جانىبەك ءالىمحان ۇلى جەڭىلىپ كورمەگەن برازيليالىق بوكسشىمەن جەكپە- جەك وتكىزۋگە كەلىستى
10:38, 02 - قىركۇيەك 2022
نۇر- سۇلتان. قازاقپارات - WBO نۇسقاسى بويىنشا ورتا سالماقتاعى الەم چەمپيونى قازاقستاندىق جانىبەك ءالىمحان ۇلى (12-0، 8 ك و) بۇكىلالەمدىك بوكس ۇيىمى رەيتينگىسىنىڭ ءۇشىنشى ساتىسىندا تۇرعان برازيليالىق ەسكيۆا فالكاومەن (30-0، 20 كو) جەكپە- جەك وتكىزۋگە كەلىستى، دەپ حابارلايدى قازاقپارات Sports.kz سايتىنا سىلتەمە جاساپ.
ءبىر كۇن بۇرىن فالكاو ءالىمحان ۇلىنا جەكپە- جەك وتكىزۋگە كەزەكتى ۇسىنىس ءبىلدىردى. جاۋاپ رەتىندە «قازاق ستيلى» فالكاوعا ناقتى ۇسىنىس بولعان جاعدايدا ەسكيۆامەن ايقاسۋعا قارسى ەمەس ەكەنىن ايتىپ، ونىڭ كومانداسىمەن وسىنداي جەكپە- جەكتى تالقىلاۋدى ۇسىندى.
بۇعان دەيىن جانىبەك ءالىمحان ۇلى برازيليالىق بوكسشىعا باسقاشا جاۋاپ بەرىپ، العاشىندا: «ماعان چەمپيوندىق اتاعى جوق بوكسشىلار قىزىق ەمەس» دەپ، كەيىن 2012 -جىلعى وليمپيادا جۇلدەگەرىنە «مۇگەدەكتەر ارباسىنا وتىرعىزامىن» دەپ سەس كورسەتكەن بولاتىن.
فوتو: sports.kz
اۆتور
اياۋلىم التىنبەك