كەربۇلاق اۋدانى سارىوزەك اۋىلىنىڭ Instagram-پاراقشاسىندا العاشقى قوڭىراۋ سالتاناتىنىڭ ۆيدەوسى جاريالانعان. بۇل ەرەكشە ۆيدەودا قوڭىراۋ سوققان 1-سىنىپ وقۋشىلارى ويىنشىق كولىكتەردە وتىرعانى كورىنەدى.
«رەسمي سوعىلعان ءبىرىنشى قوڭىراۋ. كەلەر وقۋ جىلىندا وقۋشىلارىمىز جاقسى جەتىستىكتەرگە جەتۋىن ءناسىپ ەتسىن!» - دەلىنگەن جازبادا.
جەلى قولدانۋشىلارى ۆيدەوعا ءتۇرلى پىكىر جازعان.
«كىشكەنە كرەاتيۆ قوسقان، كەرەمەت قوي. بارلىق باستامانى سىناپ نە كۇلەتىن بولساق، باستاما مۇلدە بولمايدى»، «نە مازاق»، «ءبارىن كەرەمەت ۇيىمداستىردى، بالا كوپ بولسا دا، ءتارتىپ بولدى»، - دەپ جازعان پىكىر بىلدىرۋشىلەر.
Instagram-دا تاراعان تاعى ءبىر ۆيدەونى بەلگىلى بلوگەر داۋلەت مۇقايەۆ پاراقشاسىندا جاريالاعان. ۆيدەودا كىشكەنتاي بالانىڭ اۋىر گۇلدى كوتەرە الماي ارەڭ ءجۇرىپ كەلە جاتقانى كورىنەدى. سونداي- اق، كادرلاردان ولاردىڭ مەكتەپكە دەيىنگى ءبىلىم بەرۋ مەكەمەسىنىڭ وقۋشىلارى ەكەنى بايقالادى.
بۇگىن بارلىق تانىمال بلوگەر مەن توپتا تارالعان ەڭ قىزىق سۋرەتتەردىڭ ءبىرى - جەردە تەلەفون قاراپ جاتقان بالانىڭ سۋرەتى.
«بۇگىنگى كۇننىڭ باستى سۋرەتى»، - دەلىنگەن جازبادا.
qumash_kz Instagram-پاراقشاسىندا جاريالانعان العاشقى قوڭىراۋدا تۇسىرىلگەن ۆيدەو 10 مىڭنان اسا قارالىم جيناعان. وندا وقۋشى جىلاپ تۇرعانى كورىنەدى. ۆيدەوعا قىزىق جازبا جازىلعان.
«العاشقى قوڭىراۋ - ءبىرىنشى قيىندىق. ەشتەڭە ەتپەيدى. بار بولعانى 12 جىلدىق قۇلدىق»، - دەلىنگەن ۆيدەودا.
بۇل ۆيدەوعا جازىلعان پىكىرلەر دە ەرەكشە.
«جازدا دەمالا الماعانداعى كوڭىل كۇي»، «وعان مىنا الەم بۇرىننان تۇسىنىكتى»، «قۇرمەتتى كۇندەلىك...»، «جىلاما، بالا، بار بولعانى 3000 كۇن وقيسىڭ…» - دەپ جازعان پىكىر بىلدىرۋشىلەر.
kaztwitter Instagram-پاراقشاسىنداعى ۆيدەودا 1-قىركۇيەك پەن 2-قىركۇيەكتەگى وقۋشىنى سالىستىرىپ كورسەتكەن.
بۇل ۆيدەودا جەلى قولدانۋشىلارىن كۇلكىگە قارق قىلعان.
«ەشكىمنىڭ كوڭىل كۇيى جوق»، «اي، بالالار، بالالار، سونداي كۇلكىلىسىڭدەر»، «راقاتتانىپ كۇلىپ الدىق»، - دەيدى جەلىدەگىلەر.
ەسكە سالايىق، بۇعان دەيىن TikTok-تا وقۋ جىلى قالاي ازىلگە اينالعانىن جازعان ەدىك.
Massaget.kz