ۇيىم باسشىسى رافاەل روسسيدىڭ ايتۋىنشا، ماماندار نىساندا جۇمىسىن جالعاستىرىپ جاتىر، دەپ حابارلايدى «حابار 24».
ۇيىم ستانسياداعى احۋال تۋرالى بەيتاراپ ءارى ءادىل تەحنيكالىق ساراپتاما جۇرگىزەتىنىن جەتكىزدى. نىساندى باقىلاۋ ماقساتىمەن ميسسيانىڭ ماماندارى ستانسادا تۇراقتى تۇردە قالۋدى كوزدەپ وتىر.
رافاەل روسسي، ب ۇ ۇ اتوم ەنەرگياسى جونىندەگى حالىقارالىق اگەنتتىك باسشىسى:
- ءبىز ەشقايدا كەتپەيمىز. ستانسيادا قالىپ تۇراقتى تۇردە جۇمىس جاساۋعا نيەتتىمىز. ءبىزدىڭ كوماندامىزدىڭ الدىندا كوپ جۇمىس تۇر. ءبىز وسىندا كورگەندەرىمىزدى تەحنيكالىق تۇرعىدان ەگجەي- تەگجەيلى ساراپتاۋىمىز قاجەت.
ۋكراينا پرەزيدەنتى ۆلادميمر زەلەنسكي حالىقارالىق اگەنتتىك وكىلدەرىنىڭ ستانسياعا بارىپ، نىساندى كورگەنىنە قولداۋىن ءبىلدىردى. وسىمەن بىرگە حالىقارالىق ساراپشىلار نىسانداعى احۋالدى تەكسەرىپ ءادىل ساراپتاما شىعاراتىنىنا ۇمىتتەنتىنىن ايتتى.
ۆلاديمير زەلەنسكي ، ۋكراينا پرەزيدەنتى:
- رەسەي كۇشتەرى زاپوروجە اتوم ەلەكتر ستانسياسىنان كەتىپ، ەنەرگوداردى اتقىلاۋدى توقتاتقان كەزدە عانا ول قاۋىپسىز جۇمىسىنا قايتا ورالا الادى. ەڭ باستىسى ستانسيا اۋماعىنان اسكەري كۇشتەر شىعارىلۋى كەرەك. بۇل ۋكراينا مەن حالىقارالىق قاۋىمداستىقتىڭ باستى ماقساتى.
www.24.kz