وسى ونلاين وقۋدىڭ كەسىرىنەن امەريكالىق بالالاردىڭ ءبىلىمى كۇرت تومەندەگەن. بۇل پروبلەما ۇلتتىق تەستىلەۋدەن كەيىن انىقتالدى، دەپ حابارلايدى «حابار 24».
پاندەميانىڭ ەكى جىلى امەريكالىق بالالاردىڭ وقۋ ۇلگەرىمىن 20 جىل بۇرىنعى كورسەتكىشكە دەيىن تومەندەتىپ تاستادى. ۇلتتىق تەستىلەۋ ورتالىعى 9 جاستاعى 15 مىڭ بالانىڭ ءبىلىمىن تەكسەرگەن. ءسويتىپ الىنعان مالىمەتەردى سوڭعى رەت 2020 -جىلى جۇرگىزىلگەن تەست ناتيجەلەرىمەن سالىستىرعان. بالالاردىڭ كوبى ەجىكتەپ وقىپ، ماتەماتيكادان ارتتا قالىپ وتىرسا كەرەك. ساراپشىلار بۇل ونلاين وقۋدىڭ كەسىرى دەيدى. ولار ەندى وقۋشىلار كوللەلدجگە تۇسەتىن كەزدە قينالۋى مۇمكىن ەكەنىن ەسكەرتەدى. سوندىقتان كەيبىر مەكتەپتەر ساعاتتاردى ارتتىرىپ، قوسىمشا ساباقتار ەنگىزىپ جاتىر.
كريستال دجونس، باستاۋىش مەكتەپتىڭ ديرەكتورى:
- پاندەميا كەزىندە بالالارىمىز ماتەماتيكادان ارتتا قالماۋ ءۇشىن ءبىزدىڭ مۇعالىمدەرىمىز قولدان كەلگەننىڭ ءبارىن ىستەدى. ەندى اتا- انالارعا ءۇمىت زور. ولار بالالارىن قوسىمشا ساباقتارعا جازىپ، ۇيدە كومەك كورسەتۋ كەرەك.
www.24.kz