ءوز سوزىندە ۆاتيكان ەلشىسى قاسىم-جومارت توقايەۆتىڭ باتىل ءسوز سويلەگەنىن، ول جاريالاعان رەفورمالار باعدارلاماسى كوڭىل بولۋگە تۇرارلىق ەكەنىن اتاپ ءوتتى.
«ريم پاپاسىنىڭ قازاقستانعا ساپارى قىزىقتىرسا، ەگجەي-تەگجەيىن ايتايىن. ول 12- قىركۇيەكتە كەلەدى، Qazaqstan كونسەرت زالىندا ديپلوماتيالىق كورپۋس پەن ازاماتتىق قوعام وكىلدەرىنىڭ الدىندا ءسوز سويلەيدى. 14- قىركۇيەكتە ەلوردادا الەمدىك جانە ءداستۇرلى دىندەر ليدەرلەرىنىڭ سەزى وتەدى، وندا ريم پاپاسى دا ءسوز سويلەيدى. كۇننىڭ ەكىنشى جارتىسىندا مەسسا وتەدى. بۇل - ءبىز وتكىزەتىن قاسيەتتى راسىمدەردىڭ ءبىرى. ازىرگە ءبىزدىڭ تىزىمدە مىڭعا جۋىق ادام بار، شامامەن 6-10 مىڭ ادام كەلەدى دەپ بولجاپ وتىرمىز. ريم پاپاسى ءوز ساپارىنىڭ سوڭعى كۇنى سەزدىڭ جابىلۋ سالتاناتىندا ءسوز سويلەيدى. باسقا دا وزەكتى اقپاراتتى ق ر سىرتقى ىستەر مينيسترلىگىنىڭ پروتوكولدىق كەڭسەسى ارقىلى بىلۋگە بولادى»، - دەدى فرەنسيس اسسيزي چۋلليكات.
سونىمەن بىرگە، ۆاتيكاننىڭ اپوستولدىق نۋنتسيى ديپلوماتيالىق كورپۋستىڭ ريم پاپاسىمەن وتەتىن قاسيەتتى مەسساعا شاقىرىلاتىنىن ايتتى.
كەپتەلىستەر مەن باسقا دا پروبلەمالاردى بولدىرماس ءۇشىن ديپلوماتيالىق كورپۋسقا سىرتقى ىستەر مينيسترلىگى عيماراتىنان قاسيەتتى ماسساعا دەيىن كولىك بەرىلەدى.
ەسكە سالا كەتسەك، 12-14- قىركۇيەك كۇندەرى نۇر-سۇلتاندا الەمدىك جانە ءداستۇرلى دىندەر كوشباسشىلارىنىڭ VII سەزى وتەدى.
ريم پاپاسى فرانتسيسك سەزگە كەلۋ ساپارى اياسىندا اشىق اسپان استىندا مەسسا ءراسىمىن وتكىزەدى.
شارا 14- قىركۇيەك كۇنى ساعات 16:45 تە ماڭگىلىك ەل داڭعىلى، B1 مەكەن-جايىندا (Nur Alem پاۆيلونى الدىنداعى الاڭ - EXPO حالىقارالىق كورمە ورتالىعىنىڭ اۋماعى، ستەللانىڭ جانىندا) وتەدى. كىرۋ تەگىن.