بۇل تۋرالى ا ق ش- تىڭ قازاقستانداعى ۋاقىتشا سەنىمدى وكىلى دجۋدي كۋو حابارلادى، دەپ حابارلايدى قازاقپارات ءتىلشىسى.
«ءبىز قازاقستان پرەزيدەنتى قاسىم- جومارت توقايەۆتىڭ جولداۋىن مۇقيات تىڭدادىق جانە ونىڭ ءورشىل باستامالارى مەن رەفورمالارىن قولدايمىز. ەلدە پرەزيدەنت سايلاۋى وتەتىنىن ەستۋ ءبىز ءۇشىن وتە قىزىق بولدى. ءبىز بۇل سايلاۋدى اسىعا كۇتەمىز جانە ونىڭ ءادىل ءوتۋىن قاداعالايمىز. ا ق ش 30 جىل بويى قازاقستاننىڭ سەنىمدى سەرىكتەسى بولعانىن جانە جاقىن دوس پەن سەرىكتەس رەتىندە قازاقستاننىڭ تاۋەلسىزدىگى مەن اۋماقتىق تۇتاستىعىن ءاردايىم قولداپ كەلگەنىن ايتا كەتەيىن. ءبىز رەفورمالار جولىندا قازاقستانعا قاجەتتى قولداۋدى ۇسىنۋعا دايىنبىز»، - دەدى ا ق ش- تىڭ قازاقستانداعى ۋاقىتشا سەنىمدى وكىلى.
دجۋدي كۋو ا ق ش- تىڭ ءتۇرلى باعدارلامالار ارقىلى قازاقستاندى قولدايتىن كوپتەگەن تەتىكتەر بار ەكەنىن اتاپ ءوتتى. ياعني، قورعانىس جانە باسقا دا ونەركاسىپ سەكتورلارىندا كومەكتىڭ تولىق سپەكترى بار.
ايتا كەتەيىك، بۇگىن مەملەكەت باسشىسى پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالادى.
جولداۋدىڭ نەگىزگى بولىگى ەلىمىزدىڭ الەۋمەتتىك- ەكونوميكالىق دامۋىنا ارنالعان.