پرەزيدەنت قاسىم-جومارت توقايەۆ قازاقستان حالقىنا جولداۋىندا وسىنداي وي ايتتى، دەپ حابارلايدى قازاقپارات ءتىلشىسى.
«بيىل پرەزيدەنت سايلاۋى، كەلەسى جىلى ءماجىلىس جانە ءماسليحات دەپۋتاتتارىنىڭ سايلاۋى وتەدى. سودان كەيىن ۇكىمەت قۇرامى جاساقتالادى.
سونىڭ ناتيجەسىندە 2023 -جىلدىڭ ورتاسىندا پرەزيدەنت، پارلامەنت، ۇكىمەت سياقتى نەگىزگى ساياسي ينستيتۋتتاردىڭ ءبارى قايتا جاڭعىرىپ، جاڭارادى.
ءبىز اشىق باسەكەلەستىك ورنىققان جانە بارىنە تەڭ مۇمكىندىك بەرىلەتىن ادىلەتتى قازاقستاندى قۇرىپ جاتىرمىز»، - دەدى مەملەكەت باسشىسى.
پرەزيدەنت اۋقىمدى ساياسي وزگەرىستەردى اشىقتىق، ادىلدىك جانە ءوزارا سەنىم ارقىلى جۇزەگە اسىرۋ اسا ماڭىزدى ەكەنىن ەسكە سالدى.
«جاڭا سايلاۋ ناۋقانىنىڭ مەرزىمدەرىن جانە ونىڭ رەتىن ەلگە اشىق جاريالاۋ شەشىم قابىلداۋ كەزىندەگى اشىقتىق قاعيداتىنا ساي كەلەدى.
وسى قادامنىڭ ءبارى ءبىزدىڭ «كۇشتى پرەزيدەنت - ىقپالدى پارلامەنت - ەسەپ بەرەتىن ۇكىمەت» اتتى باستى فورمۋلامىزدى بىرتىندەپ ناقتى ءمان-مازمۇنمەن بايىتا تۇسەدى. ءبىزدىڭ بۇگىنگى باستامالارىمىز قازاقستاننىڭ بولاشاعىن ايقىندايدى. ءبىز كۇن سايىن ەسكى مەن جاڭانىڭ، توقىراۋ مەن دامۋدىڭ اراسىنان تاڭداۋ جاسايمىز. بارشاڭىزدى ۇلت مۇددەسى ءۇشىن ۇيىسۋعا شاقىرامىن»، - دەدى قاسىم-جومارت توقايەۆ.