«ساياسي قىزمەتشىلەردىڭ جەكە جاۋاپكەرشىلىگىن ارتتىرا وتىرىپ، مەملەكەتتىك باسقارۋ جۇيەسىن ورتالىقسىزداندىرۋعا باسا ءمان بەرۋ كەرەك.
ۇكىمەتتىڭ كەيبىر قۇزىرەتتەرىن مينيسترلىكتەرگە بەرگەن ءجون. ناقتى ءبىر سالاداعى ساياساتقا «ۇجىمداسقان كابينەت» ەمەس، ناقتى ءبىر مينيستر جاۋاپ بەرۋگە ءتيىس.
ۇكىمەت سالاارالىق ماسەلەلەردى شەشۋمەن شۇعىلدانۋى قاجەت. پرەمەر-مينيستر كەڭسەسىن مەملەكەتتىك باسقارۋ ءىسىنىڭ ۇزدىك ستاندارتتارىنا ساي كەلەتىن، ىقشامدى ۇكىمەت اپپاراتى رەتىندە قايتا قۇرۋ وسى باعىتتاعى العاشقى قادام بولماق»، - دەدى پرەزيدەنت.
ايتۋىنشا، ەندى ورتالىق مەكەمەلەردى وڭتايلاندىرۋ ارقىلى جەرگىلىكتى اتقارۋشى ورگانداردىڭ وكىلەتتىگىن ايتارلىقتاي كەڭەيتۋ كوزدەلىپ وتىر.
«بۇل ءتاسىل قوردالانعان ماسەلەلەردى وڭىرلەردە، ەل ىشىندە شەشۋگە مۇمكىندىك بەرەدى. جەرگىلىكتى ءوزىن-ءوزى باسقارۋ ماسەلەلەرىنە، قوعامدىق كەڭەستەردىڭ، پاتەر يەلەرى كووپەراتيۆتەرى مەن مۇلىك يەلەرى بىرلەستىكتەرىنىڭ قىزمەتىن وزگەرتۋگە ايرىقشا نازار اۋدارۋ قاجەت»، - دەدى قاسىم-جومارت توقايەۆ.