قىتايلىق رەيس چىڭدۋدان نۇر-سۇلتانعا العاشقى رەيسىن ورىندادى

نۇر-سۇلتان. قازاقپارات - قىتايدىڭ Air China اۋەكومپانياسى 28-تامىزدان باستاپ چىڭدۋ - نۇر- سۇلتان جاڭا باعىتى بويىنشا تۇراقتى جولاۋشىلار رەيسىن ورىنداي باستادى، - دەپ حابارلايدى Kaz.tengritravel.kz ءتىلشىسى.

ەلورداداعى اۋەجاي باسپا ءسوز قىزمەتىنىڭ مالىمەتىنشە، رەيس ا320 ءتيپتى اۋە كەمەلەرىندە جەكسەنبى كۇندەرى اپتاسىنا ءبىر رەت جيىلىكپەن جۇزەگە اسىرىلادى.

بۇعان دەيىن قازاقستاننىڭ يندۋستريا مينيسترلىگى قازاقستان مەن قىتاي اراسىنداعى اۋە قاتىناسىن ارتتىرۋ ەكى ەل اراسىنداعى ساۋدا- ەكونوميكالىق، ينۆەستيتسيالىق، تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەتىنىن اتاپ وتكەن بولاتىن.

چىڭدۋ - قىتايدىڭ سىچۋان پروۆينسياسىنىڭ اكىمشىلىك ورتالىعى.