COVID-19 تارالۋىنا جول بەرمەۋ جونىندەگى ۆ ا ك مالىمەتىنشە، كانادادا بۇل اۋرۋدىڭ العاشقى جاعدايلارى مامىر ايىنىڭ ورتاسىندا مونرەالدا انىقتالعان. سودان كەيىن قالالىق دەنساۋلىق ساقتاۋ مينيسترلىگى جۇقتىرعانداردىڭ كوپشىلىگى ءداستۇرلى ەمەس جىنىستىق باعىتتىڭ وكىلدەرى ەكەنىن جانە حالىقتىڭ جاپپاي جۇقتىرۋ قاۋپى جوق ەكەنىن حابارلادى.
ال تەحاستاعى دارىگەرلەر مايمىل شەشەگىن جۇقتىرعان ناۋقاستىڭ قايتىس بولعانى تۋرالى مالىمدەدى، بۇل – ا ق ش- تا وسى اۋرۋدى جۇقتىرعاننان كەيىنگى العاشقى ءولىم.
مارقۇم حارريس وكرۋگىنىڭ تۇرعىنى بولدى، ول ءبىرقاتار باسقا اۋرۋلاردان دا زارداپ شەككەن. جەرگىلىكتى دەنساۋلىق ساقتاۋ دەپارتامەنتىنىڭ حابارلاۋىنشا، مايمىل شەشەگى ناۋقاستىڭ ءولىمىنىڭ نەگىزگى سەبەبى بولدى ما، جوق پا، ءالى بەلگىسىز، پاتولوگيالىق ساراپتامانىڭ ناتيجەلەرى كەيىنىرەك جاريالانادى.
«مايمىل شەشەگىنىڭ 22 مىڭنان استام جاعدايى ەۋروپانىڭ 43 ەلىندە راستالدى. بۇل الەمدەگى ناۋقاستاردىڭ جالپى سانىنىڭ ۇشتەن بىرىنەن استامى. فرانسيادا، گەرمانيادا، پورتۋگاليادا، يسپانيادا، ۇلى بريتانيادا جانە باسقا ەلدەردە ىندەتتىڭ باياۋلاۋى مۇمكىن دەگەن العاشقى بەلگىلەر بار. ءبىزدىڭ وڭىردە جويۋعا كوشۋ ءۇشىن كۇش- جىگەرىمىزدى شۇعىل تۇردە جانداندىرۋ قاجەت»، - دەدى د د ۇ ەۋروپا وڭىرلىك بيۋروسىنىڭ باسشىسى.