ونەر سالاسىنداعى جوعارى وقۋ ورىندارىندا وقىتۋشىلاردىڭ جالاقىسى ءوستى

بۇل تۋرالى ق ر مادەنيەت جانە سپورت مينيسترلىگى مادەنيەت كوميتەتىنىڭ ءتوراعاسى روزا كارىبجانوۆا ايتتى، دەپ حابارلايدى قازاقپارات ءتىلشىسى.

«مادەنيەت جانە سپورت مينيسترلىگىنە قاراستى 10 وقۋ ورنى بار. ولاردىڭ ىشىندە ۇلتتىق مارتەبەسى بار ءتورت جوعارى وقۋ ورنى قامتىلعان. سونىمەن قاتار تاعى ءتورت كوللەدج جانە ەكى رەسپۋبليكالىق مەكتەپ- ينتەرنات قىزمەتىن جالعاستىرىپ وتىر. وسى 10 وقۋ ورنىندا شامامەن 10 مىڭعا جۋىق ادام ءبىلىم الىپ جاتىر. سونىڭ اراسىندا 5 مىڭنان استامى جوعارى وقۋ ورنىندا ستۋدەنت اتانعان»، - دەدى ر. كارىبجانوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، جاڭا وقۋ جىلىندا مەملەكەتتىك ءبىلىم بەرۋ تاپسىرىسىن جۇزەگە اسىرۋ ءۇشىن مينيسترلىككە قاراستى ءبىلىم بەرۋ ۇيىمدارىنا بارلىعى 2365 ءبىلىم گرانتى ءبولىندى. ونىڭ ىشىندە بالاۆرياتقا 890 گرانت، ماگيستراتۋراعا - 152 گرانت، دوكتورانتۋراعا 23 گرانت قاراستىرىلعان. سونىمەن قاتار، جوعارى وقۋ ورىندارىنىڭ كوللەدجدەرىنە 200 گرانت، جالپى كوللەدجدەرگە 300 گرانت قامتىلدى. بيىل اشىلعان حالىقارالىق تۋريزم جانە مەيماندوستىق ۋنيۆەرسيتەتىنىڭ باكالاۆرياتىنا 800 ورىن ءبولىنىپ وتىر.

كوميتەت باسشىسى اتالعان وقۋ ورىندارى قازاقستان رەسپۋبليكاسى مادەنيەت جانە سپورت مينيسترلىگىنىڭ قاراماعىنا 2014 -جىلى بەرىلگەنىن ەسكە سالدى.

«مەملەكەت مادەنيەت سالاسىن دامىتۋعا، سونىڭ ىشىندە ونىڭ قىزمەتكەرلەرى ءۇشىن قولايلى جاعدايلار جاساۋعا كوپ كوڭىل ءبولىپ جاتىر. ۇكىمەتتىڭ قولداۋى اياسىندا پروفەسسورلىق- وقىتۋشىلىق قۇرامنىڭ جالاقىسى ءوستى. بۇل تۇرعىدا قازىر 13-تەن 16 جىلعا دەيىن ەڭبەك ءوتىلى بار پروفەسسور 267754 تەڭگە السا، 3,5 ارتتىرۋ كوەففيتسيەنتى قولدانىلعاندا ول 435373 تەڭگە الادى. وسىنداي ەڭبەك ءوتىلى بار دوتسەنتتە 243451 تەڭگە جالاقىسى بولسا، ەندى 395855 تەڭگە الادى. مۇنىمەن قوسا، وقىتۋشىدا 210767 تەڭگە جالاقىسى بولسا، 342711 تەڭگەگە دەيىن ءوستى. الاتىن بولادى. اتالمىش ەنگىزىلگەن جاعىمدى وزگەرىستەر مادەنيەت سالاسىنىڭ ودان ءارى وركەندەۋىنە ءوز سەپتىگىن تيگىزە وتىرىپ، ونەر شىڭىندا جاڭا جەتىستىكتەرگە جەتۋدە مۇرىندىق بولارىنا كامىل سەنەمىز»، - دەدى روزا كارىبجانوۆا.

اۆتور

رۋسلان عابباسوۆ