ۋكراينا تارابى بۇعان قاتىستى ءالى تۇسىنىكتەمە بەرگەن جوق.
يگور كوناشەنكوۆ، ر ف قورعانىس مينيسترلىگىنىڭ رەسمي وكىلى:
- اتوم ەلەكتر ستانسياسى اۋماعىنا قاراي 17 سنارياد ۇشىرىلعان. سونىڭ تورتەۋى ارنايى كورپۋستىڭ شاتىرىنا تۇسكەن. وندا امەريكالىق فيرمانىڭ يادرولىق وتىنى ساقتالادى. تاعى 10 سنارياد پايدالانىلعان يادرولىق وتىن قويماسى جانىندا، ەندى ۇشەۋى راديواكتيۆتى قالدىقتار ماڭىندا جارىلعان. ۋكراينا اسكەرىنىڭ شابۋىلى مارگانەتس ەلدى مەكەنىنەن جاسالىنعان.
زاپوروجەدەگى نىسان ەۋروپاداعى ەڭ ءىرى اتوم ەلەكتر ستانسياسى سانالادى. ول ناۋرىزدا رەسەي قارۋلى كۇشتەرىنىڭ باقىلاۋىنا وتكەن. كەيىنگى ۋاقىتتا ستانسيا اۋماعى ءجيى اتقىلانىپ، كيەۆ پەن ماسكەۋ شابۋىلدار ءۇشىن ءبىرىن- ءبىرى ايىپتاپ كەلەدى. ول حالىقارالىق قاۋىمداستىقتى الاڭداتىپ وتىر. بۇعان دەيىن وسى ماسەلەنى تالقىلاۋ ءۇشىن ۋكرايناعا ب ۇ ۇ- نىڭ باس حاتشىسى بارىپ قايتقان. ەندى كەلەسى اپتادا مۇندا اتوم ەنەرگياسى جونىندەگى حالىقارالىق اگەنتتىك وكىلدەرى جول تارتادى.
«نيۋ- يورك تايمس» باسىلىمىنىڭ حابارلاۋىنشا، ماگاتە دەلەگاتسياسىن وسى ۇيىمنىڭ ديرەكتورى باستاپ بارۋى ءتيىس. ودان بولەك توپقا 10-نان اسا ەلدىڭ ساراپشىلارى كىرگەن.
www.24.kz