وسىعان وراي قىتاي ەكولوگتارى دابىل قاعىپ، بالىقتىڭ جات جەرلىك ءتۇرى جەرگىلىكتى ەكوجۇيە ءۇشىن ناعىز اپات بولۋى مۇمكىن ەكەندىگىن ەسكەرتۋدە، دەپ حابارلايدى قازاقپارات ءتىلشىسى The paper باسىلىمىنا سىلتەمە جاساپ.
تاس قابىقتى شورتان بالىعى سولتۇستىك امەريكادا كەڭىنەن تارالعان. ال بيىل قىتايدىڭ حىنان، حۋنان، شاندۋڭ، يۋننان ولكەلەرىندەگى، گۋانشي- چجۋان اۆتونومدى اۋدانىنداعى، سونىمەن قاتار قىتاي استاناسى - بەيجىڭدەگى سۋ قويمالارىنان تابىلعان.
ءبىر تاس قابىقتى شورتاندى اۋلاۋ ءۇشىن حىنان (ورتالىق قىتاي) ولكەسىنە قاراستى جۋچجوۋ قالاسى ساياباقتارىنىڭ بىرىندەگى سۋ قويماسىنان 200 مىڭ تەكشە مەتر سۋدى اعىزۋعا تۋرا كەلگەن.
سوڭعى بىرنەشە جىلدىڭ ىشىندە تاس قابىقتى شورتان بالىعى گۋاڭدۋڭ، فۋجيان، سىچۋان مەن تسزيانسۋ ولكەلەرىندەگى جابايى تابيعاتتا كوزگە تۇسكەن.
باسىلىمنىڭ جازۋىنشا، تاس قابىقتى شورتان قىتاي ءۇشىن بالىقتىڭ ەكزوتيكالىق ءتۇرى سانالادى. ونىڭ تابيعي سۋ قويمالارىندا جاپپاي تارالۋى جەرگىلىكتى سۋ ەكوجۇيەسىنە ايتارلىقتاي ءقاۋىپ ءتوندىرۋى مۇمكىن. قىتايدا تاس قابىقتى شورتاننىڭ كەڭىنەن تارالۋى بالىقتىڭ بۇل ءتۇرىن ەل نارىعىندا ساتۋ ءۇشىن ءوسىرۋ بولۋى ىقتيمال. بالىقتىڭ بۇل ءتۇرى وتە جىلدام كوبەيەدى.
قىتاي بۇقارالىق اقپارات قۇرالدارىنىڭ اقپاراتىنا قاراعاندا، سوڭعى جىلدارى قىتايدا بالىقتىڭ 600 دەن ءتۇرى انىقتالسا، ونىڭ 71 ءى ەلدىڭ تابيعي ەكوجۇيەسىنە قاتەر توندىرەتىندىگى انىقتالعان.