بۇل تۋرالى IV دۇنيەجۇزىلىك NEV- اۆتوموبيلدەرى كونگرەسىنە قاتىسۋشىلارعا ۇندەۋى بارىسىندا ق ح ر مەملەكەتتىك كەڭەسىنىڭ پرەمەرى لي كەتسيان مالىمدەدى، دەپ حابارلايدى قازاقپارات مەنشىكتى ءتىلشىسى.
ەلدىڭ ۇكىمەت باسشىسى قىتايدىڭ الەمدەگى ەڭ ءىرى اۆتوموبيل شىعارۋشى جانە تۇتىنۋشى ەكەنىن اتاپ ءوتتى. سوڭعى جىلدارى ەلدە جاڭا ەنەرگيا كوزدەرىمەن (NEV) جۇرەتىن اۆتوموبيل ءوندىرىسىنىڭ قارقىندى ءوسۋى بايقالادى.
«قىتاي NEV- اۆتوكولىكتەرىمەن بايلانىستى سالالاردا حالىقارالىق ىنتىماقتاستىقتى نىعايتۋدى جالعاستىرا بەرەدى»، - دەدى ق ح ر مەملەكەتتىك كەڭەسىنىڭ پرەمەرى.
لي كەتسيان قىتايدىڭ «اۆتوموبيل ونەركاسىبىن دامىتۋدا جاڭا تاراۋدى بىرلەسىپ اشۋ ءۇشىن» بارلىق مۇددەلى تاراپتارمەن ءوزارا ءتيىمدى جۇمىس ىستەۋگە دايىن ەكەندىگىن جەتكىزدى.
25-28- تامىز ارالىعىندا بەيجىڭدە IV دۇنيەجۇزىلىك NEV- اۆتوموبيلدەرى كونگرەسى ءوتىپ جاتىر.
قىتاي جەڭىل اۆتوموبيلدەر قاۋىمداستىعىنىڭ مالىمەتتەرى بويىنشا، ق ح ر 2022-جىلدىڭ ءبىرىنشى جارتىجىلدىعىندا جاڭا ەنەرگيا كوزدەرىمەن قوزعالاتىن 360 مىڭنان استام اۆتوموبيل ەكسپورتتادى (2021-جىلدىڭ سايكەس كەزەڭىمەن سالىستىرعاندا كورسەتكىش ەكى ەسەدەن استام وسكەن).
قىتايدا شىعارىلعان جاڭا اۆتوموبيلدەر نەگىزىنەن باتىس ەۋروپا مەن وڭتۇستىك-شىعىس ازيا ەلدەرىنە ەكسپورتتالادى.