بۇل تۋرالى اقمولا وبلىسىنىڭ تۇرعىندارىمەن كەزدەسكەن ق ر ەنەرگەتيكا ءمينيسترى بولات اقشولاقوۆ ءمالىم ەتتى، دەپ حابارلايدى قازاقپارات ءتىلشىسى.
«جالپى، بۇگىنگى تاڭدا اقمولا وبلىسىن گازداندىرۋ 2 كەزەككە بولىنگەن. 20 ەلدى مەكەندى گازداندىرۋ ءۇشىن 13 جوبادان تۇراتىن گازداندىرۋدىڭ ءبىرىنشى كەزەگىنە وبلىس اكىمدىگى جوبالاۋ- سمەتا قۇجاتتاماسىن ازىرلەدى. 2020-2021 -جىلدار كەزەڭىندە وبلىس اكىمدىگىنە 8 جوبانى ىسكە اسىرۋعا رەسپۋبليكالىق بيۋدجەتتەن 6,4 ميلليارد تەڭگە ءبولىندى. اتالعان جوبالار بويىنشا 2021 -جىلى 14 ەلدى مەكەندى گازداندىرۋدى كوزدەيتىن قۇرىلىس- مونتاجداۋ جۇمىستارى تولىق اياقتالدى، بۇل 9 مىڭنان استام ادامدى گازبەن قامتاماسىز ەتۋگە مۇمكىندىك بەرەدى»، - دەدى ا. اقشولاقوۆ.
ونىڭ ايتۋىنشا، تابيعي گازدى قالعان ەلدى مەكەندەرگە بەرۋ گازبەن جابدىقتاۋ وبەكتىلەرىن سەنىمگەرلىك باسقارۋعا تاپسىرعاننان كەيىن قامتاماسىز ەتىلەدى.
2022-2023 -جىلدارعا اكىمدىككە رەسپۋبليكالىق بيۋدجەتتەن 9,3 ميلليارد تەڭگە سوماسىندا قاراجات كوزدەلگەن. وسى قاراجاتقا قوسىمشا 6 ەلدى مەكەندى - اققايىڭ، شۇبار جانە قوياندى (سەلينوگراد اۋدانى) جانە ارشالى، جىبەك جولى مەن جالتىركولدى (ارشالى اۋدانى) گازداندىرۋدى اياقتاۋ جوسپارلانىپ وتىر. بۇل جوبالار شامامەن 26 مىڭ ادامدى گازبەن قامتاماسىز ەتەدى.
سونىمەن قاتار ەنەرگەتيكا ءمينيسترى قازىرگى ۋاقىتتا اكىمدىك سەلينوگراد اۋدانىنىڭ 9 ەلدى مەكەنىن گازداندىرۋ بويىنشا جوبالاۋ- سمەتا قۇجاتتاماسىن ازىرلەپ جاتقانىن اتاپ ءوتتى.
فوتو: vesti.ua