قانداسقا قالاي قارايلاسامىز: وتانداستارىمىز مەملەكەتتىك قىزمەتتى الا الماي وتىر
ماڭعىستاۋعا كوشكەن 600-دەن استام قانداس ءدال وسىنداي ماسەلەگە تاپ بولىپ وتىر. قاجەتتى قۇجاتتارىن تىركەۋدەن وبلىستىق باسقارما ماماندارى باس تارتقان ەكەن. سەبەبى ۇكىمەتتىڭ قاۋلىسى بويىنشا قانداستار سولتۇستىك وڭىرلەرگە قونىس اۋدارۋ كەرەك. شەكارا اساردا ۆيزالارىنا دا سولاي جازىلعان. الايدا اتامەكەنگە ورالعاندار ماڭعىستاۋدان باسقا ايماققا بارعىسى كەلمەيدى.
- پاندەميا كەسىرىنەن وتە الماي وسىندا قالىپ قويدىق. كەزىندە قازاقستان كونسۋلى 5 وبلىس بەرىپ تۇر، 5 وبلىستى تاڭداساڭدار كەتەسىڭدەر دەدى. كەلگەننەن كەيىن پاۆلودارعا بارماساڭدار 1 جىلدان كەيىن ۆيزا بىتكەننەن كەيىن تۇركمەنستان ەلىنە قايتىپ كەتەسىڭ، - دەيدى.
سالا ماماندارىنىڭ ايتۋىنشا، شەكارا اشىلعالى ماڭعىستاۋعا 700-دەن استام قانداس كەلگەن. الايدا ولاردىڭ باسىم بولىگى ءالى شەتەل ازاماتتىعىمەن ءجۇر. ءتۇسىندىرۋ جۇمىستارى جۇرگىزىلىپتى. 2-اي ىشىندە تۇراقتى تىركەۋگە تۇرماسا، ەلدەن شىعارىلاتىنى دا ەسكەرتىلگەن.
دوسان جەتكىزگەن، وبلىستىق الەۋمەتتىك باعدارلامالار باسقارماسى باسشىسىنىڭ ورىنباسارى:
- ماڭعىستاۋ وبلىسى اۋماعى ۆيزادا كورسەتىلمەگەن. ول كىسىلەر ماڭعىستاۋ وبلىسىندا تۇراقتى تىركەۋگە، باسقا دا مەملەكەتتىك قىزمەتتەردى الا المايدى. ونىڭ ىشىندە: كوشى- قون قىزمەتتەرى، ءبىلىم سالاسى، دەنساۋلىق سالاسى بار. تۇراقتى تىركەۋ بولماعاندىقتان مەملەكەتتىك ورگاندار ولارعا قىزمەت كورسەتە المايدى. ول قىزمەتتى الۋ ءۇشىن ۆيزادا كورسەتىلگەن وڭىرلەرگە بارۋ كەرەك.
ۇكىمەتتىڭ قاۋلىسىنا سايكەس، جۇمىس كۇشى تاپشى وڭىرلەر بەلگىلەنگەن، ولار سولتۇستىك جانە شىعىس وڭىرلەر. ال قانداستار سولتۇستىك جانە شىعىس قازاقستان وبلىستارىندا كوشسە، بالالاردى دا بالاباقشا مەن مەكتەپكە قابىلداۋ ەش كەدەرگىسىز جۇزەگە اسىرىلادى - دەيدى ءوڭىر وكىلدەرى.
سونداي- اق مەملەكەت تاراپىنان باسپاناعا كومەك، كوتەرمە اقى جانە كاسىپ اشۋعا قايتارىمسىز گرانتتار دا بەرىلەدى. 5 ايماقتان كەلگەن ماماندار كەزدەسۋ وتكىزىپ، بار مۇمكىندىكتى وسىلاي ءتۇسىندىردى.
عابيت ساقتاعانوۆ، س ق و م. جۇمابايەۆ اۋدانى جۇمىسپەن قامتۋ ورتالىعىنىڭ ديرەكتورى:
- ءۇيدى الۋدىڭ 3 ءتاسىلى بار، ءبىرىنشىسى سولتۇستىك قازاقستان وبلىسى بويىنشا ەڭبەك باعدارلاماسى اياسىندا جاڭا سالىنعان ۇيلەر بار، ول 20 جىلعا جالعا بەرىلەدى. 5 جىلدان كەيىن قالدىق سۋممانى تولەپ، ءوز اتتارىنا وتكىزۋگە مۇمكىندىك بولادى.
ەكىنشى، ساتىلىمعا قويىلعان اۋىلدىق جەرلەردە ۇيلەر بولسا، ساتىپ الاتىن بولسا، مەملەكەتتەن بەرىلەتىن قاراجات بار، ساتىپ الۋعا بولادى. مىسالى، 1 وتباسى 1 ادام بولسا، 300 مىڭعا جۋىق قاراجات بەرىلەدى. 2 ادام بولسا، 600-700 مىڭعا دەيىن تولەنەدى. كوشىپ كەلگەن ادامعا ءبىرجولعى كومەك 214 مىڭ بەرىلەدى.
وسى ۋاقىتقا دەيىن 33 ادام پاۆلودارعا كەتكەن، 16-سى شىعىس قازاقستانعا كوشۋگە نيەت ءبىلدىرىپتى. وبلىس اكىمدىگىنىڭ وكىمىمەن جۇمىس توبى قۇرىلعان. ارنايى كوميسسيا جالعىزباستى انا، زەينەت جاسىنداعى قاريالاردى قالدىرۋ بويىنشا ءوتىنىشتى قاراماق. ال، قالعاندارى زاڭعا باعىنىپ، كوشۋدەن باسقا امال جوق.
www.24.kz