ەڭبەك جانە الەۋمەتتىك قورعاۋ مينيسترلىگى وسىلاي دەپ مالىمدەپ وتىر. ال بۇل ايماقتارعا كوشۋدەن باس تارتقاندار شەتەل ازاماتى رەتىندە قارالادى. تيىسىنشە، ولارعا مەملەكەتتىك قىزمەت كورسەتىلمەدى. سونىمەن قاتار سولتۇستىك پەن شىعىس وڭىرلەرگە كوشكەندەرگە ەندى ءۇي دە بەرىلمەيدى. تەك باسپاناعا قاجەتتى قاراجات ۇلەستىرىلەدى.
كوشى- قون سەرتيفيكاتىمەن بەرىلەتىن قارجى كولەمى قالادا ورنالاسقان باسپانانىڭ جارتى بولىگىن عانا جابۋعا جەتەدى. دەسە دە وتانعا ورالعان ازاماتتىڭ وزگە ايماقتارعا كوشۋىنىڭ ناقتى سەبەپتەرى انىقتالسا، بۇل ماسەلە ءار ازاماتقا قاتىستى جەكە قارالادى. ال ماڭعىستاۋداعى قانداستارعا پاۆلودارعا قونىستانۋ ۇسىنىلىپ جاتىر.
ەربولات ءابىلحاتين، ق ر ە ح ا ق م كوشى- قون كوميتەتى ءتوراعاسىنىڭ ورىنباسارى:
- قانداس مارتەبەسىن الۋ ءۇشىن تەك قانا سولتۇستىك نەمەسە شىعىس وبلىستارىنا بارىپ، سول جەردە قونىستانۋ كەرەك. كۇنى بۇگىنگە دەيىن قانداستاردا قازاقستاندا ەركىن تۇرۋ قۇقىعى بولدى، ءبىراق سوڭعى وقيعالارعا بايلانىستى. ماڭعىستاۋ وبلىسىنىڭ الەۋمەتتىك- ساياسي جاعدايىنا بايلانىستى، جۇمىسسىزدىق ورشۋىنە بايلانىستى ولار سولتۇستىككە بارۋ كەرەك. ەڭ باستى ماسەلە ىشكى قونىستى سولتۇستىك- شىعىسقا اۋدارۋ. وسىعان بايلانىستى ءۇي بەرۋدىڭ ورنىنا ادامداردى ىنتالاندىرۋ ءۇشىن كوشى- قون سەرتيفيكاتى بەرىلەدى.
www.24.kz