تاليبتەر اۋعانستان اۋماعىندا كريپتوۆاليۋتا اينالىمىنا تىيىم سالدى

نيۋ-يورك. تاسس- قازاقپارات - «تاليبان» راديكالدى قوزعالىسىنىڭ ۇكىمەتى باقىلايتىن اۋعانستاننىڭ ورتالىق بانكى (ق ر جانە باسقا دا ەلدەردە تىيىم سالىنعان) ەلدە كريپتوۆاليۋتا ءوندىرىسى مەن اينالىمىنا تىيىم سالۋدى ەنگىزدى.

بۇل تۋرالى جۇما كۇنى جوعارى لاۋازىمدى اۋعان پوليتسياسىنىڭ وفيتسەرىنە سىلتەمە جاساپ Bloomberg اگەنتتىگى جازدى، دەپ حابارلايدى قازاقپارات تاسسقا سىلتەمە جاساپ.

«ورتالىق بانك بىزگە بارلىق اقشا ايىرباستاۋشىلارعا، جەكە تۇلعالارعا جانە بيزنەسمەندەرگە بيتكوين سياقتى الاياقتىق سيفرلىق ۆاليۋتالاردى پايدالانۋعا تىيىم سالۋ تۋرالى بۇيرىق بەردى»، - دەدى گەرات پروۆينتسياسى پوليتسيا دەپارتامەنتىنىڭ قىلمىستىق تەرگەۋ ءبولىمىنىڭ باستىعى ساەد شاح ساادات.

ونىڭ ايتۋىنشا، وسى ايدا ەنگىزىلگەن تىيىم كەزىندە تالىپتەر 13 ادامدى تۇتقىندادى، ولاردىڭ كوپشىلىگى كەپىلگە بوساتىلعان. بۇعان قوسا، اۋعانستاننىڭ ءۇشىنشى ءىرى قالاسى گەراتتا 20 دان استام كريپتو بيرجالارى جابىلدى.

ا ق ش 2021-جىلدىڭ كوكتەمىندە ەلدەن قارۋلى كۇشتەرىن شىعارۋ تۋرالى شەشىمىن جاريالاعاننان كەيىن تاليبان اۋعانستانعا باقىلاۋ ورناتۋ ءۇشىن اۋقىمدى وپەراتسيا باستادى. 15- تامىزدا تاليبان كابۋلعا ۇرىسسىز كىردى، ال پرەزيدەنت اشراف گاني رەسپۋبليكادان كەتتى.