كوللەدجدەردىڭ ءبىلىم گرانتى يەگەرلەرىنىڭ ءتىزىمى قاشان جاريالانادى
وقۋ-اعارتۋ مينيسترلىگىنىڭ تەحنيكالىق جانە كاسىپتىك ءبىلىم دەپارتامەنتىنىڭ باسقارما باسشىسى التاي راحيمبەرلين وسىلاي ءمالىم ەتتى، دەپ حابارلايدى قازاقپارات ءتىلشىسى.
«بۇگىننەن باستاپ گرانتتاردىڭ قورىتىندىسى جاريالانۋدا. قازىرگى تاڭدا مەرزىمدى مەديتسينالىق جانە شىعارماشىلىق ماماندىقتار بويىنشا گرانتتاردىڭ ناتيجەلەرى بەلگىلى بولدى»، - دەدى التاي راحيمبەرلين.
ونىڭ ايتۋىنشا، تالاپكەرلەر گرانت ناتيجەلەرىمەن عالامتوردان جانە كوللەدج سايتتارىنان بىلۋگە بولاتىنىن ايتتى.
«جۇمىسشى جانە ورتا بۋىن ماماندىقتارىنا بەرىلەتىن گرانتتاردىڭ قورىتىندىسى 26-28- تامىز ارالىعىندا بەلگىلى بولادى. جالپى، بيىل سۇرانىسقا يە ماماندىقتار بويىنشا بىزدە ارنايى بايقاۋ ۇيىمداستىرىلادى. وعان سايكەس، ءبىز تانىمال پەداگوگيكالىق، مەديتسينالىق ماماندىقتار بويىنشا گرانتقا وتپەگەندەردى باسقا سالالارعا باعىتتايمىز»، - دەپ تولىقتىردى التاي راحيمبەرلين.
سونىمەن قاتار ول بيىل كوللەدجدەرگە تۇسۋگە 180 مىڭنان استام تالاپكەر قۇجات تاپسىرعانىن ءمالىم ەتتى.