قاراقالپاقستان جوعارعى كەڭەسىنىڭ ءتوراعاسى سايلاندى
18:23, 26 - تامىز 2022
تاشكەنت. قازاقپارات - قاراقالپاقستان رەسپۋبليكاسى جوعارعى كەڭەسىنىڭ كەزەكتەن تىس 34-سەسسياسى ءوتىپ جاتىر، دەپ حابارلايدى قازاقپارات ءو ز ا- عا سىلتەمە جاساپ.
وزبەكستان پرەزيدەنتى شاۆكات ميرزيەيەۆ امانباي ورىنبايەۆتىڭ كانديداتۋراسىن قۇپتايتىنىن، ونىڭ كوشباسشىلىق قابىلەتىن، ۇلتجاندىلىعىن، ادامي قاسيەتتەرىن، سونداي- اق ءوڭىردى دامىتۋ جونىندەگى ۇسىنىستارىن ەسكەرگەنىن جەتكىزدى.
ۇمىتكەر تۋرالى جوعارعى كەڭەستىڭ دەپۋتاتتارى، قوعام وكىلدەرى ءسوز سويلەپ، ءوز پىكىرلەرىن ءبىلدىردى.
وسىدان كەيىن جوعارعى كەڭەس ءتوراعاسىن سايلاۋ تۋرالى ماسەلە داۋىسقا سالىندى. جاسىرىن داۋىس بەرۋ جولىمەن قاراقالپاقستان رەسپۋبليكاسى جوعارعى كەڭەسىنىڭ ءتوراعاسى بولىپ امانباي ورىنبايەۆ ءبىراۋىزدان سايلاندى.