ۇلتتىق بانكتىڭ شتات سانى قىسقارتىلدى
13:55, 26 - تامىز 2022
نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆتىڭ ۇلتتىق بانكتىڭ شتات سانىن قىسقارتۋ تۋرالى جارلىعى جاريالاندى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى ۇلتتىق بانكىنىڭ ورتالىق اپپاراتىن، ونىڭ فيليالدارىن جانە وكىلدىگىن قوسا العاندا جالپى شتات سانى 2161 بىرلىك بولىپ بەكىتىلسىن»، - دەپ جازىلعان قۇجاتتا.
بۇعان دەيىن ۇلتتىق بانك قىزمەتكەرلەرىنىڭ شتات سانى 2587 ادام بولعان ەدى.
قۇجات 17-تامىزدا قابىلدانعان.
ەسكە سالساق، تامىزدىڭ باسىندا قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوريي ەنگىزۋ تۋرالى جارلىققا تولىقتىرۋ ەنگىزىلگەن بولاتىن.