سيرەك كەزدەسەتىن جۇرەك اۋرۋىنا شالدىققان ءبىر جاسار سابيگە كۇردەلى وتا جاسالدى

قاراعاندى. قازاقپارات - قاراعاندىلىق حيرۋرگتار «تاۋسسيگ- بينگ انومالياسى» دەپ اتالاتىن جۇرەك اقاۋى بار ءبىر جاسار بالاعا وتا جاسادى. مۇنداي جۇرەك اۋرۋى سيرەك كەزدەسەدى، سوندىقتان وپەراتسيا جوعارى تەحنولوگيالىق بولىپ سانالادى، دەپ حابارلايدى قازاقپارات ءتىلشىسى.

ءبىر جاسار بالا ءۇشىن بۇل - كۇردەلى حيرۋرگيالىق وتانىڭ ەكىنشى كەزەڭى. دارىگەرلەر كۇردەلى تۇزەتۋ وپەراتسياسىنىڭ ءبىرىنشى كەزەڭىن 2021 -جىلى، بالا 4 ايلىق بولعاندا جاسادى. كىشكەنتاي ناۋقاس پنيەۆمونيامەن ءجيى اۋىرعان، كوگەرىپ، تۇنشىعا بەرگەن. حيرۋرگتەر وعان «تاۋسسيگ- بينگ انومالياسى» دەپ اتالاتىن سيرەك كەزدەسەتىن جۇرەك اۋرۋى دەگەن دياگنوز قويعان.

مىنە، بالا ءبىر جاسقا تولعاندا، كارديوحيرۋرگتار ەكىنشى كەزەڭ - «گلەن اناستوموزى» وپەراتسياسىن جاسادى. وتادان كەيىن كىشكەنتاي ناۋقاستىڭ تىنىس الۋى جەڭىلدەدى. ساتۋراتسيا �- عا دەيىن كوتەرىلدى. بۇرىن % 20- عا دەيىن تومەندەپ كەتەتىن. بالانى الدا ءالى 3-كەزەڭ كۇتىپ تۇر. ول - 5-6 جاسقا تولعاندا جاسالاتىن وپەراتسيا.

«بۇل بالا - ءبىزدىڭ ماقتانىشىمىز. ول وتە مىقتى، جىگەرلى. سەبەبى، بۇل - وتە اۋىر پاتولوگيا. مەنىڭ 15 جىلدىق تاجىريبەمدە مۇنداي جاعداي ەكىنشى رەت كەزدەسىپ وتىر. وپەراتسيالار جاساندى قاناينالىم جۇيەسىن قوسۋ ارقىلى جۇرگىزىلدى. قازىر بالا قالپىنا كەلە باستادى، اناسى ءسابيىنىڭ تابەتى پايدا بولعانىن ايتادى، سالماق جيناي باستاعان»، - دەدى بالالار كارديوحيرۋرگياسى ءبولىمىنىڭ مەڭگەرۋشىسى جانات بولاتبەك ۇلى.

بۇل وپەراتسيالار جوعارى تەحنولوگيالىق وتالار قاتارىنا جاتادى جانە ول مەديتسينالىق ساقتاندىرۋ قورىنان مىندەتتى الەۋمەتتىك مەديتسينالىق ساقتاندىرۋ پاكەتى ەسەبىنەن وتەلەدى.

اۆتور

اگاتا مۋحامەدجانوۆا