سالالىق عىلىمدى قارجىلاندىرۋ جۇيەسىندە پروبلەمالار بار - انتيكور
بۇل تۋرالى ول «ادامي كاپيتال - جاڭا قازاقستان دامۋىنىڭ نەگىزگى رەسۋرسى» اتتى عىلىم جانە جوعارى ءبىلىم-2022 فورۋمىندا ايتتى.
احمەتجانوۆ ءوز سوزىندە جۇيەلى سىبايلاس جەمقورلىق تاۋەكەلدەرىنىڭ بولۋى جاڭا مينيسترلىك پەن ج و و ميسسياسىن تابىستى ىسكە اسىرۋ ءۇشىن ماڭىزدى كەدەرگى بولىپ تابىلاتىنىن ەسكە سالدى.
مۇنداي سىبايلاس جەمقورلىق تاۋەكەلدەرىن ەلەمەۋدىڭ ناتيجەسى سوڭعى ءۇش جىلدا جوعارى وقۋ ورىندارىنىڭ وكىلدەرىنە قاتىستى جىل سايىنعى سىبايلاس جەمقورلىق قىلمىستارىن تۇراقتى تىركەۋ بولىپ تابىلادى.
2021-جىلى قازاق ۇلتتىق قىزدار پەداگوگيكالىق ۋنيۆەرسيتەتىنىڭ بۇرىنعى رەكتورى، رەكتورىنىڭ كەڭەسشىسى جانە ينجەنەرى ۋنيۆەرسيتەتكە تيەسىلى 110 جەر تەلىمىن زاڭسىز ءبولىپ، ولاردى 72 جالعان تۇلعاعا رەسىمدەپ، 95 ميلليون تەڭگە سوماسىندا زالال كەلتىردى.
سىبايلاس جەمقورلىق فاكتىلەرى رەگلامەنتتەۋشى ن ق ا مەن بيزنەس-پروتسەستەردى قايتا قاراۋ، شەشىمدەر قابىلداۋدىڭ ەسەپتىلىگى مەن اشىقتىعىن كۇشەيتۋ قاجەتتىگىن راستايدى.
«اگەنتتىك 2018-جىلى عىلىم كوميتەتىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزىپ، 16 ۇسىنىس ەنگىزدى. ولاردى ورىنداۋ بويىنشا وڭ وزگەرىستەر بايقالۋدا.
الايدا، قىزمەت باسشىسى اتاپ وتكەندەي - «سالالىق عىلىمدى قارجىلاندىرۋ جۇيەسى ماسەلەلەرى ءالى دە وزەكتى بولىپ وتىر. ول وسى ماقساتتارعا بولىنەتىن مەملەكەتتىك قاراجاتتى ءتيىمدى پايدالانۋدى ىنتالاندىرمايدى»، - دەيدى سايان احمەتجانوۆ.
بۇل رەتتە ول مەملەكەت بولەتىن قاراجاتتىڭ نەگىزگى بولىگى تىكەلەي عالىمدارعا، ياعني ناتيجەلەرگە سۇرانىستى كۇشەيتە وتىرىپ، تىكەلەي قارجىلاندىرۋ سحەماسىن ەنگىزۋدى ۇسىندى.
سونداي-اق، جاڭادان قۇرىلعان مينيسترلىك پەن جوو باسشىلىعى جوعارى ءبىلىم بەرۋ سالاسىنداعى اشىقتىق پەن پاراساتتىلىقتى ىلگەرىلەتۋ بويىنشا بۇرىن قابىلدانعان ۇسىنىمدار مەن ستاندارتتارعا نازار اۋدارۋ قاجەتتىگىن ەسكەرتتى.
«بۇل رەتتە، بۇرىنعى ۆەدومستۆو مۇددەلى بولماعاندىقتان، جوعارى وقۋ ورىندارى ولاردى ساپالى جانە ءتيىمدى قولدانۋىن قامتاماسىز ەتە المادى»، - دەدى پريەۆەتسيا قىزمەتىنىڭ باسشىسى.
قورىتىندىلاي كەلە، جوعارى ءبىلىم جانە عىلىم ءمينيسترى سىبايلاس جەمقورلىققا قارسى ءوز ۇستانىمىن ءبىلدىرىپ، جوعارى وقۋ ورىندارىنىڭ باسشىلىعىنا پاراساتتىلىق قاعيداتتارىن ساقتاۋ قاجەتتىگىن ايتتى.