جولاۋشىلار ۇشاق قوزعالتقىشىنىڭ ءبىر بولىگى جۇلىنىپ كەتكەن ءساتتى ۆيدەوعا ءتۇسىردى

نۇر-سۇلتان.قازاقپارات - Alaska Airline رەيسىنىڭ جولاۋشىلار Boeing 737-900ER ۇشاعىنىڭ رەاكتيۆ قوزعالتقىشىنىڭ كاپوتى جۇلىنعان ءساتتى ۆيدەوعا ءتۇسىردى، - دەپ حابارلايدى Skynews.

ۆيدەودا جۇلىنعان بولشەكتىڭ سالبىراپ، سوسىن ۇشىپ كەتكەنى بايقالادى. سيەتلدەن سان- ديەگوعا ۇشقان جولاۋشىلار باسىلىمعا بەرگەن سۇحباتىندا وقيعانىڭ ۇشۋ كەزىندە بولعانىن، ياعني ۇشاق اۋەگە كوتەرىلگەن ساتتە بولعان.

كۋاگەرلەردىڭ ايتۋىنشا، ولار قاتتى دىبىستى ەستىگەن، سوسىن اۋەكەمەسى دىرىلدەي باستاعان. ۇشاق ۇشىپ شىققان ساتتەن 30 مينۋت وتكەن سوڭ اپاتتى جاعدايدا اۋەجايعا قونعان.

وسى وقيعانىڭ سالدارىنان ۇشاق بورتىندا بولعان 176 جولاۋشى دا التى ەكيپاج مۇشەلەرى دە زارداپ شەككەن جوق. اۋەكومپانيا وقيعانىڭ ءمان- جايىن انىقتاپ جاتىر.

tengritravel.kz