ەلوردا اۋەجايىندا ايعايلاعان جولاۋشى قاماۋعا الىندى
21-تامىز ساعات 10.00-دە نۇر-سۇلتان قالاسىنىڭ اۋەجايىنداعى جەلىلىك پوليتسيا بولىمىنە نۇرسۇلتان نازاربايەۆ حالىقارالىق اۋەجايى تەرمينالىنىڭ ستەريلدى ايماعىندا نۇر-سۇلتان - انتاليا رەيسىنە جولاۋشىلاردى وتىرعىزۋ كەزىندە 44 جاستاعى جولاۋشى بىرنەشە رەت «ۇشاقتا بومبا» دەپ ايعايلاعانى تۋرالى حابارلاما تۇسكەن. ەر ادام ماس كۇيدە بولعان.
«اۋەجايدىڭ بورتى مەن ستەريلدى ايماعى دەرەۋ تەكسەرىلدى. ونىڭ بارىسىندا قانداي دا ءبىر جارىلعىش قۇرىلعىلار مەن باسقا دا تىيىم سالىنعان زاتتار تابىلعان جوق. اتالعان فاكتى بويىنشا ق ر قىلمىستىق كودەكسىنىڭ 273-بابىمەن (تەرروريزم اكتىسى تۋرالى كورىنەۋ جالعان حابارلاۋ) سوتقا دەيىنگى تەرگەۋ باستالدى. ق ر قىلمىستىق كودەكسىنىڭ وسى بابىنا سايكەس بەس جىلعا دەيىن باس بوستاندىعىنان ايىرۋ كوزدەلگەن. كۇدىكتى ءوز كىناسىن مويىندادى. قازىرگى ۋاقىتتا ول نۇر-سۇلتان قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. ق ر ق پ ك-نىڭ 201-بابىنىڭ تالاپتارىنا سايكەس، وزگە مالىمەتتەر تەرگەۋ مۇددەسىنە وراي جاريا ەتىلمەيدى»، - دەلىنگەن پوليتسيا حابارلاماسىندا.