الماتىدا اڭقاۋ بولماڭىز
ەگەر فوتوسۋرەتتەر سىزگە تارتىمدى بولىپ كورىنسە، ءبىراق باعاسى ارزان بولسا، وندا بۇل ويلاناتىن ماسەلە. پاتەردى ءوز كوزىڭىزبەن كورمەي ەشكىمگە اقشا جىبەرمەڭىز.
«ريەلتور مىندەتتى تۇردە مەنشىك يەسى مەن بولاشاق جالعا الۋشى اراسىندا كەلىسىم- شارت جاساۋ قىزمەتىن ۇسىنۋى كەرەك»، - دەيدى قازاقستان ريەلتورلارى قاۋىمداستىعىنىڭ وكىلدەرى.
سونداي- اق كاسىبي ريەلتورلار جىلجىمايتىن مۇلىكتى كورسەتەدى، ءبىراق جالعا بەرۋشىلەردىڭ تەلەفون نومىرلەرىن ساتپايدى. ساراپشىلار قىركۇيەككە تامان ستۋدەنتتەر كەلەتىندىكتەن جالعا الۋ باعاسىنىڭ قىمباتتايتىنىن ايتتى. بۇعان قوسا بيىل رەسەيدەن كەلۋشىلەردە بار.
قازىر الماتىدا ءبىر ايعا بەرىلەتىن ءبىر بولمەلى پاتەردىڭ باعاسى ورتا ەسەپپەن 140 مىڭ تەڭگە توڭىرەگىندە. ەڭ باستىسى پاتەر يەسى ەكەنىن دالەلدەيتىن «جىلجىمايتىن مۇلىككە تىركەلگەن قۇقىقتار تۋرالى» انىقتامانى سۇراڭىز. الاياقتار «بۇگىن الماساڭ كەشىگىپ قالاسىڭ» دەپ پسيحولوگيالىق ءتاسىلدى دە قولدانۋى مۇمكىن.
ورىنباسار ساتايەۆ، قازاقستان ريەلتورلارى قاۋىمداستىعىنىڭ وكىلى:
- مەن قازىر الدىن الا اقشا الامىن، بۇگىن الساڭ الاسىڭ، الماساڭ المايسىڭ. پاتەر يەسى ەكەنىمدى دالەلدەمەيمىن. اۋىرتپاشىلىق كۋالىگى بار عوي.
«وبرەمەنەنيە سپراۆكا» مەن بۇنى ساعان ەگوۆتان الىپ بەرە المايمىن. ول الىپ بەرۋ 1-2 مينۋت تۇرادى قازىرگى ۋاقىتتا. ونىڭ ءبارىن جاسامايتىن بولسا ونداي مامىلەدەن 100 پايىز باس تارتۋ كەرەك. ەشقاشان ونداي ادامدارعا جاقىنداماۋ كەرەك.
www.24.kz