ەكى جىل ونلاين وقۋدىڭ زاردابى ونداعان جىلدارعا سوزىلادى - مينيستر
16:54, 24 - تامىز 2022
نۇر-سۇلتان. قازاقپارات - ءبىلىم سالاسىنىڭ ساراپشىلارىمەن كەزدەسكەن عىلىم جانە جوعارى ءبىلىم ءمينيسترى ساياسات نۇربەك ونلاين وقىتۋىڭ زارداپتارى تۋرالى باياندادى، دەپ حابارلايدى قازاقپارات ءتىلشىسى.
«سوڭعى 2 جىلدا ءبىز ەڭ قۇندى دۇنيەمىزدى جوعالتتىق. دالىرەك ايتساق، پاندەميا سالدارىنان ءبىلىم ساپاسى قۇلدىرادى. وسى ۋاقىت ارالىعىندا بولعان ونلاين وقۋدىڭ زاردابى ونداعان جىلدارعا سوزىلۋى مۇمكىن. بۇل ءوز كەزەگىندە قىلمىستاردىڭ كوبەيۋىنە، ساۋاتتىلىق جانە تابىس دەڭگەيىنىڭ تومەندەۋىنە اكەلىپ سوعادى. سونىمەن قاتار جوعارى وقۋ ورىندارىندا وقيتىن ستۋدەنتتەر قاتارى قىسقاردى»، - دەدى مينيستر.
قوسا كەتسەك، بۇل ۋاقىتقا دەيىن عىلىم جانە جوعارى ءبىلىم ءمينيسترى ساياسات نۇربەك ەلىمىزدە عىلىمي قىزمەتكەرلەر تاپشى ەكەنىن مالىمدەگەن بولاتىن.