الايدا بۇل باستامانىڭ رەگەنەراتسيا مەن تەرىنى جاسارتۋ تەتىگى بولا الاتىنىن ويلاماسا كەرەك.
اموس گيلحار، جوبا باسقارۋشىسى:
زەرتتەۋىمىزدىڭ باسىندا قارتايۋدى توقتاتۋدىڭ جولىن ىزدەدىك. وسىدان 30 جىل بۇرىن جاس تىشقانعا كارى تىشققانىڭ تەرىسىن ەندىردىك. ترانسپلانتتى قابىلداسىن دەپ اۋىر يممۋنودەفيتسيتى بار تەرىنى الدىق. تەرى جاسارا باستاعانىن كورىپ تاڭ قالدىق. ءوزىن- ءوزى قالپىنا كەلتىرە باستادى، داقتارى جوعالىپ كەتتى. وسىنان كەيىن عالىمدار تەرىنىڭ تۇپكى قاباتتارىندا نە بولعانىن زەردەلەپ، نە سەبەپتى ونىڭ جاسارا باستاعانىن تۇسىنگىسى كەلەدى. ناتيجەسىندە قارتايۋدى كەرى اينالدىراتىن گروسس- فاكتور انىقتالدى. سول كەزەڭدە بىزگە تىشقاندار قاجەت پە دەگەن سۇراق قويدىق. نەگە ادام تەرىسىن قولدانبايمىز؟ سولاي كارى ادامنىڭ تەرىسىن الىپ، گروسس- فاكتوردى قوستىق. ناتيجەسىندە قارتايۋى توقتاپ قانا قويماي، كەرى اينالعانىن كوردىك.
زەرتتەۋشىلەر جاسۋشالاردىڭ جاسارۋ مەحانيزمىن مولەكۋلالىق دەڭگەيدە تالدادى. پروفەسسور گيلحار مەن ارىپتەستەرىنىڭ ەڭبەگى گروسس- فاكتور ادام اعزاسىنىڭ ءتۇرلى ورگاندارى مەن جاسۋشالارىندا رەگەنەراتسيا مەحانيزمىن ىسكە قوساتىنىن كورسەتتى. شىن مانىندە بۇل - جاڭا قان تامىرلارىنىڭ پايدا بولۋىن رەتتەيتىن اقۋىز. ەندى وسى گروسس- فاكتور نەگىزىندە ءدارى جاساۋعا بوالادى. ءبىراق وسىنداي كەرەمەت پرەپاراتتى شىعارۋ ءۇشىن ءالى دە ۋاقىت قاجەت.
اموس گيلحار، جوبا باسقارۋشىسى:
ءبىز رەگەنارتسيانىڭ گەندىك مەحانيزمىن قوساتىن ءارى جاناما اسەر بەرمەيتىن اگەنتتەردى انىقتاۋىمىز كەرەك. بۇل ءارى قاراي پرەپارات جاساۋ ءۇشىن قاجەت. جاسۋشالاردى رەگەنەراتسيالاۋ كەزىندە جاڭا قان تامىرلارىنىڭ كوبەيۋىنىڭ جاناما اسەرى ونكولوگيالىق اۋرۋلاردى تۋدىرۋى مۇمكىن. سوندىقتان ادامعا زيانسىز ءدارى شىعارۋ ءۇشىن عالىمدارعا بىرنەشە جىل قاجەت بولۋى مۇمكىن. بۇل ادام بالاسى ماڭگى ءومىر سۇرەدى نەمەسە اركەز جاس بولادى دەگەن ءسوز ەمەس. ءبىراق ەگدە جاستا قالجىراماي، قاۋساماي تىرشىلىك كەشۋىنە ءۇمىت بەرەدى.