«كوپىر سالۋ جوباسى نەگە ەكى جىلعا سوزىلدى؟ سەبەبى ەكى مەردىگەر 1,5 جىل بويى سوتتاستى. ال قالا تۇرعىندارى بۇل كوپىردى كۇتىپ وتىردى. ءبىز بيزنەستىڭ مۇددەسىن دە ەسكەرۋگە تىرىستىق. دەگەنمەن سوڭىندا كوپىر قۇرىلىسىنا جاريالانعان بايقاۋدى توقتاتىپ، ونى قايتا جاريالاۋعا تۋرا كەلدى. وسى ارالىقتا ينفلياتسيا دەڭگەيى ءوستى، مەتالل كونسترۋكتسيالارى قىمباتتادى. وسىعان بايلانىستى بۇل جوبانى قايتا قاراپ، تۇزەتۋلەر ەنگىزدىك»، - دەپ ءتۇسىندىردى قالا اكىمى التاي كولگىنوۆ.
ەسكە سالايىق، تاۋەلسىزدىك داڭعىلى بويىنداعى ەسىل وزەنى ارقىلى وتەتىن كوپىر سالىناتىنى تۋرالى 2018 -جىلى بەلگىلى بولعان ەدى. ال ونىڭ قۇرىلىسى 2019 -جىلى باستالۋى ءتيىس بولاتىن. ول ءالى تولىق سالىنىپ بىتكەن جوق.