باسپا ءسوز قىزمەتىنىڭ مالىمەتتەرىنە قاراعاندا، 22- تامىزدا ساعات 15:15 تەر شاماسىندا قىزمەتتىك مىندەتىن ورىنداۋ كەزىندە كەلىسىم شارت بويىنشا قىزمەت ەتىپ جۇرگەن اسكەري قىزمەتشى سابىروۆ ابىلاي بەرىك ۇلى، (2001-جىلى تۋىلعان) 3650 اسكەري بولىمىندە الماتى قالاسىندا وزىنە بەكىتىلگەن تاپانشامەن ءوزىن-ءوزى اتىپ، العان جاراقاتىنىڭ ناتيجەسىندە قايتىس بولدى.
قۇقىق قورعاۋ ورگاندارى قاجەتتى تەرگەۋ ارەكەتتەرىن جۇرگىزىپ جاتىر. بولعان وقيعانىڭ سەبەپتەرى مەن ءمان-جايلارىن انىقتاۋ ءۇشىن قىزمەتتىك تەرگەۋ تاعايىندالدى.
«قازاقستان رەسپۋبليكاسى ۇلتتىق ۇلانىنىڭ باس قولباسشىلىعى مەن وڭىرلىك قولباسشىلىعى اسكەري قىزمەتشى ابىلاي سابىروۆتىڭ تۋعان-تۋىستارى مەن جاقىندارىنا قايعىرىپ كوڭىل ايتادى.