قاسىم- جومارت توقايەۆ قىرعىزستان پرەزيدەنتىنە كوڭىل ايتۋ جەدەلحاتىن جولدادى
17:05, 22 - تامىز 2022
نۇر- سۇلتان. قازاقپارات - قاسىم- جومارت توقايەۆ قىرعىز رەسپۋبليكاسى ازاماتتارىنىڭ رەسەي فەدەراتسياسىنىڭ ۋليانوۆ وبلىسىندا جول اپاتىنان قازا تابۋىنا بايلانىستى پرەزيدەنت سادىر جاپاروۆقا جانە بارشا قىرعىز حالقىنا كوڭىل ايتتى.
بۇل تۋرالى قازاقپارات بورت№1 Telegram كانالىنا سىلتەمە جاساپ حابارلايدى.
سونداي- اق مەملەكەت باسشىسى جەدەلحاتتا قايتىس بولعان ازاماتتاردىڭ تۋعان- تۋىستارى مەن جاقىندارىنا كوڭىل ايتتى.
وسىعان دەيىن رەسەيدىڭ ۋليانوۆسك وبلىسىنىڭ نيكولايەۆسك اۋدانىندا اۆتوبۋس جول اپاتىنا ۇشىراپ، 16 ادامنىڭ قايتىس بولعانى تۋرالى حابارلاندى.
قازاقستاننىڭ سىرتقى ىستەر مينيسترلىگى اتالعان اپتتىڭ سالدارىنان مەرت بولعانا نەمەسە زارداپ شەككەن قازاقستاندىقتار جوق ەكەنىن مالىمدەدى.