اقتاۋدا بالالاردى يتبالىق تىستەپ الدى
10:32, 21 - تامىز 2022
اقتاۋ. قازاقپارات - قالانىڭ 14-شاعىن اۋدانى تۇسىندا كاسپي تەڭىزىندە ءجۇزىپ جۇرگەن ەكى قىز بالانى يتبالىق تىستەپ الدى، دەپ حابارلايدى قازاقپارات ءتىلشىسى.
«19- تامىز كۇنى وبلىستىق بالالار اۋرۋحاناسىنىڭ قابىلداۋ بولىمىنە قىزداردى الىپ كەلدى. ولاردىڭ جاراسى تازالانىپ، تاڭىلدى جانە قۇتىرماعا قارسى ەكپە سالىندى»، - دەپ مالىمدەدى مەكەمەنىڭ باسپا ءسوز قىزمەتىنەن.
11 جانە 12 جاسار قىز بالالار جاعالاۋعا جاقىن جەردە شومىلىپ جۇرگەن.
ايتا كەتسەك، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ جىل باسىنان بەرى بىرنەشە رەت تىركەلگەن يتبالىقتاردىڭ قىرىلۋ سەبەبىنە قاتىستى زەرتتەۋ قورىتىندىسىن تانىستىرعان بولاتىن.