«بيىلعى وقۋ جىلىنان باستاپ مەكتەپتە وتەتىن اتا- انالار جينالىسىنىڭ فورماتىن وزگەرتىپ جاتىرمىز. ەگەر اتا- انا الدىنا كەلگەندە، مۇعالىم ءار بالانىڭ قاي ءپاندى ۇناتاتىنى، ءبىراق ونى مەڭگەرۋدە قانداي پروبلەماعا تاپ كەلىپ جاتقانى تۋرالى مالىمەت بەرىپ وتىرسا، ول اتا- اناعا وتە ماڭىزدى اقپارات بولار ەدى. تەك باعانى ايتىپ شىققاننان بۇل الدەقايدا ءتيىمدى. جاڭا وقۋ جىلىندا وسىنداي جۇمىستى قولعا الامىز. ى. التىنسارين اتىنداعى ۇلتتىق ءبىلىم اكادەمياسى زەرتتەۋ جۇرگىزدى. سول كەزدە وقۋشىلاردىڭ 60 پايىزىنىڭ اتا- اناسى مەكتەپتە نە ۇيرەتىپ جاتقانىنا ءمان بەرمەيتىنى بەلگىلى بولدى»، - دەدى ۆەدومستۆو باسشىسى.
ايتۋىنشا، مينيسترلىكتىڭ ماقساتى - اتا- انانى مەكتەپكە جاقىنداتۋ.
«سەنبى- جەكسەنبىدەگى شارالاردى وقۋشىلارمەن عانا وتكىزبەي، اتا- انالاردى بەلسەندى تارتۋ تاجىريبەسىن كەڭىنەن تارتۋ كوزدەلىپ وتىر. اتا- انالاردىڭ مۇعالىمگە دەگەن قۇرمەتى وتە ماڭىزدى. اس ۇيدە مۇعالىم تۋرالى ايتىلعان اڭگىمە بالانىڭ ۇستازعا دەگەن قارىم- قاتىناسىن قالىپتاستىرۋى مۇمكىن. سوندا وقۋشى- مۇعالىم اراسىنداعى بايلانىستىڭ جاقسى بولۋى ۇستازدىڭ بىلىمىنە، كاسىبيلىگىنە عانا ەمەس، اتا- انانىڭ قۇرمەتىنە دە بايلانىستى»، - دەدى مينيستر.
اۆتور
ەسىمجان ناقتىباي