ەلوردادا كارانتين شارالارى جەڭىلدەدى
اتالعان قاۋلى ەل استاناسى ەپيدەمياولوگيالىق احۋالدى باعالاۋ ماتريتساسىنىڭ «سارى» ايماعىنا وتۋىنە بايلانىستى قابىلدانعان بولاتىن. قۇجات بويىنشا، قالا تۇرعىندارى مەن قوناقتارىنا قوعامدىق ورىندار مەن جابىق عيماراتتارداماسكا كيىپ ءجۇرۋ، 10-نان ارتىق ادام جينالاتىن شارالاردى ونلاين رەجيمدە وتكىزۋ، ۆاكسيناعا قارسى مەديتسينالىق كورسەتىلىم بار ادامداردى قاشىقتان جۇمىس ىستەۋگە جىبەرۋ ۇسىنىلعان.
«نۇر-سۇلتان قالاسىندا شەكتەۋ شارالارىن ەنگىزۋ تۋرالى نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ 2022 -جىلعى 21-شىلدەدەگى № 8-قاۋلىسى كۇشى جويىلدى دەپ تانىلسىن»، - دەپ جازىلعان قۇجات ماتىنىندە.
دەگەنمەن، ماماندار ماسكا رەجيمىن ءالى دە ساقتاۋدى ۇسىنىپ وتىر.
«نۇر-سۇلتان قالاسىنىڭ اكىمدىگىنە، قالالىق كاسىپكەرلەر پالاتاسىنا، مەملەكەتتىك ورگاندارعا، قۇقىق قورعاۋ جانە ارنايى ورگاندارعا، مەنشىك نىسانىنا قاراماستان جەكە جانە زاڭدى تۇلعالارعا ادامدار كوپ جينالاتىن ورىندارعا (اۆتوۆوكزالدار، ساۋدا- ويىن- ساۋىق ورتالىقتارى، ساۋدا ۇيلەرى، جابىق بازارلار، كونسەرت زالدارى، تەاترلار، كينوتەاترلار، حالىققا قىزمەت كورسەتۋ ورتالىقتارى (ح ق ك و)، بانكتەر، ستاديوندار جانە باسقا دا سپورتتىق قۇرىلىمدارى جانە ت. ب. )، ۇيىمداسقان ۇجىمدارعا بارعان كەزدە، سونداي-اق قالالىق قوعامدىق كولىكتە جول جۇرگەن كەزدە بەتپەردە كيۋ ۇسىنىلسىن»، - دەپ جازىلعان قاۋلى ماتىنىندە.
بۇل ۇسىنىستىڭ 5 جاسقا دەيىنگى بالالارعا عانا قاتىسى جوق ەكەنى دە ايتىلعان.