فۋتبولدان قازاقستان كۋبوگى فينالدارىنىڭ جەرەبەسى تارتىلدى

نۇر-سۇلتان. قازاقپارات - فۋتبولدان قازاقستان كۋبوگى شيرەك جانە جارتىلاي فينال ويىندارىنىڭ جەرەبەسى تارتىلدى، دەپ حابارلايدى قازاقپارات ءتىلشىسى.

جەرەبە ناتيجەسىندە شيرەك فينالدا «تاراز» بەن «شاحتەر» (قاراعاندى)، «قايرات» (الماتى) پەن «اقجايىق» (ورال)، «استانا» (نۇر-سۇلتان) مەن «ماقتارال» (تۇركىستان وبلىسى)، «قايسار» (قىزىلوردا) مەن «ورداباسى» (شىمكەنت) كوماندالارى جۇپ قۇرادى.

ال قازاقستان كۋبوگىنىڭ جارتىلاي فينالىندا كەزدەسەتىن كوماندالارى تومەندەگىشە:

«قايرات» / «اقجايىق» - «تاراز» / «شاحتەر»

«استانا» / «ماقتارال» - «قايسار» / «ورداباسى»

ايتا كەتسەك، قازاقستان كۋبوگىنىڭ توپتىق كەزەڭى 8- شىلدەدە جالاۋىن كوتەردى. ول 15- تامىزدا مارەسىنە جەتتى.

ەسكە سالساق، ف ي ف ا كاتاردا وتەتىن الەم چەمپيوناتىنىڭ اشىلۋىن 20- قاراشاعا جىلجىتتى.

ايتا كەتەيىك، بيىل فۋتبولدان 22-الەم چەمپيوناتى 20- قاراشا مەن 18- جەلتوقسان ارالىعىندا كاتاردا وتەدى.