تەحنوپارك تەگىن وقىتادى
بۇگىنگى تاڭدا قازاقستان مەن ت م د ەلدەرىنەن 1500 گە جۋىق ادام تابىستى جۇمىسقا ورنالاسۋ ءۇشىن وقۋدان ءوتىپ، ءوز داعدىلارىن شىڭداعان.
Beta Career باعدارلاماسىنىڭ تۇلەكتەرى ءىرى IT كومپانيالاردا، سونىڭ ىشىندە ا ق ش، مالايزيا جانە باسقا دا ەلدەردە جۇمىس تاپقان. كەيبىرى قاجەتتى تاعىلىمدامادان ءوتتى.
- IT مامانداردىڭ كوپشىلىگى كارەرانى قالاي ءتيىمدى قۇرۋ كەرەكتىگىن دۇرىس تۇسىنبەگەندىكتەن، ىستەپ جاتقان جۇمىسىنا، مانساپتىق وسپەۋىنە قاناعاتتانبايدى. دەنى سۇرانىسقا يە باعىتتاردى بىلمەيدى. ءبىراق تابىسقا جەتۋ ءۇشىن كەشەندى جوسپار قۇرۋ قاجەت. مىسالى، قازىر Go, Java، سونداي- اق Data Science ماماندارى مەن DevOps ينجەنەرلەرى سۇرانىسقا يە. ءبىزدىڭ مىندەتىمىز - قاجەتتى، ەڭ باستىسى، قالاعان جۇمىستى تابۋعا كومەكتەسەتىن نەگىزگى داعدىلاردى ۇيرەتۋ، - دەيدى Astana Hub-تىڭ ەكسپورت جانە دامۋ جونىندەگى باسقارۋشى ديرەكتورى اباي ابسامەت.
Beta Career - مانساپ قۇرۋ پروتسەسى تۋرالى بىرەگەي تۇسىنىك بەرەتىن كەشەندى ونلاين- كۋرس. باعدارلاماعا IT سالاسىنداعى ستۋدەنتتەر مەن تۇلەكتەر قاتىسا الادى. وقىتۋ بەينە دارىستەردەن، پراكتيكالىق ۆەبينارلاردان، ساراپشىلارمەن تەستىلىك سۇحباتتاردان، ترەكەرلەرمەن كەزدەسۋلەر مەن كەڭەستەردەن، سونداي- اق ونلاين بوس ورىندار جارمەڭكەسىنەن تۇرادى.
وقىتۋ ناتيجەلەرى بويىنشا باعدارلاما قاتىسۋشىلارى IT كومپانيادا جۇمىسقا ورنالاسۋ ءۇشىن ءتيىمدى تۇيىندەمە جاساۋدى جانە ولارعا ىلەسپە حاتتار جازۋدى ۇيرەنەدى، تۇلعاارالىق قارىم- قاتىناس داعدىلارىن دامىتادى، IT سالادا قانداي ماماندىقتار سۇرانىسقا يە ەكەنىن ءبىلىپ، ۇزدىك كومپانيالاردا قاجەتتى جۇمىس تابۋعا مۇمكىندىك الادى.
باعدارلامانىڭ جاڭا لەگى 22-تامىزدا باستالادى. قاتىسۋعا وتىنىمدەر 19-تامىزعا دەيىن قابىلدانادى.
فارحات قايرات ۇلى
egemen.kz