كىمدەر قاتەرلى ىسىككە ءجيى شالدىعادى؟

نۇر-سۇلتان. قازاقپارات - عالىمدار قاتەرلى ىسىككە شالدىعاتىندار اراسىندا ايەلدەرگە قاراعاندا ەرلەر كوپ ەكەنىن انىقتادى.

مۇنىڭ سەبەبى ەر مەن ايەلدىڭ بيولوگيالىق ەرەكشەلىگى، - دەپ حابارلايدى Gazeta باسىلىمى.

ا ق ش ۇلتتىق دەنساۋلىق ساقتاۋ ينستيتۋتىنىڭ عالىمدارى 1995 -جىلدان 2011 -جىلعا دەيىن 50 مەن 71 جاس ارالىعىنداعى 171274 ەر ادام مەن 122826 ايەلدىڭ قاتەرلى ىسىك اۋرۋىنىڭ 21 ءتۇرىنىڭ قاۋپىنىڭ ايىرماشىلىعىن باعالادى. وسى ۋاقىت ىشىندە ەرلەر اراسىندا – 17951، ايەلدەر اراسىندا 8742 جاڭا قاتەرلى ىسىك اۋرۋى تىركەلگەن.

وسىلايشا، ەرلەر اراسىندا قاتەرلى ىسىك اۋرۋىنىڭ دامۋ قاۋپى ايەلدەرگە قاراعاندا ورتا ەسەپپەن 3,3-10,8 ەسە كوپ بولعان. مىسالى، وڭەش قاتەرلى ىسىگىنىڭ قاۋپى - 10,8 ەسە، كومەي ىسىگى - 3,5 ەسە، اسقازان - 3,5 ەسە، قۋىق ىسىگى 3,3 ەسە كوپ.

زەرتتەۋ ناتيجەسى بويىنشا، ەر ادامداردىڭ قاتەرلى ىسىكتىڭ كەز كەلگەن ءتۇرىن جۇقتىرۋعا بەيىم كەلەتىنى انىقتالعان. ولار ءتىپتى مىنەز-قۇلقىن تۇزەپ، اۋرۋدىڭ دامۋ ىقتيمالدىعىن ارتتىراتىن فاكتورلاردى (تەمەكى شەگۋ، الكوگوليزم) قويعان كۇندە دە بۇل كورسەتكىش تومەندەمەگەن. عالىمدار ونىڭ سەبەبى جىنىستىق ايىرماشىلىقتا بولۋى مۇمكىن دەپ بولجايدى.

زەرتتەۋشىلەر قاتەرلى ىسىك قاۋپىمەن بايلانىستى جىنىستىق ايىرماشىلىقتاردىڭ سەبەپتەرىن زەرتتەۋدى جالعاستىرادى، بۇل اۋرۋدىڭ الدىن الۋ مەن ەمدەۋدى جاقسارتۋ ءۇشىن ماڭىزدى اقپارات بەرە الادى.