قازاقستاننان رەسەيگە قالاي اقشا اۋدارۋعا بولادى
سونىمەن قاتار رەسەي اۋماعىندا Visa مەن Mastercard حالىقارالىق تولەم جۇيەسى دە ىستەمەيدى. قازاقستاندا جۇمىس ىستەيتىن رەسەيلىك ەنشىلەس بانكتەر دە اتالعان جۇيەدەن اجىراتىلاعان. ءدال وسى جايت كورشى ەلمەن تىعىس بايلانىسى بار قازاقستاندىقتاردىڭ دا تىرشىلىگىنە اسەرىن تيگىزىپ وتىر، دەپ حابارلايدى قازاقپارات ءتىلشىسى.
قازاقستاننىڭ رەسەيدەگى ەلشىلىگى ۇسىنعان دەرەككە سايكەس، كورشى ەلدىڭ جوعارى وقۋ ورىندارىندا جنە ونداعى شەتەلدىك ج و و- لاردىڭ فيليالدارىندا 60 مىڭنان استام قازاقستاندىق ستۋدەنت باكالاۆرياتۋرا، ماگيستراتۋرا باعدارلامالارى بويىنشا ءبىلىم الىپ جاتىر. ەلىمىزدەگى ءىرى ساۋدا جەلىلەرىنىڭ بىرىندەگى تاۋار ءتۇرىنىڭ شامامەن 10 پايىزى رەسەيدەن جەتكىزىلەدى.
وزگە ەلدەردەن كەلەتىن يمپورت ءتۇرىنىڭ شامامەن 40 پايىزىن دا كورشى ەل ارقىلى الىپ وتىرمىز. قازىرگى ۋاقىتتا Visa مەن Mastercard تولەم جۇيەسى رەسەي ىشىندە عانا جۇمىس ىستەيدى. اتالعان تولەم جۇيەسىنىڭ قازاقستاندىق بانك كارتالارى رەسەيدە جارامسىز. قازاقستان ەلشىلىگى اقشا اۋدارۋ ءۇشىن رەسەيلىك «مير» ۇلتتىق تولەم جۇيەسىن قولدانۋعا كەڭەس بەرەدى.
قازىرگى ۋاقىتتا «مير» كارتاسىمەن قازاقستاننىڭ ءتورت بانكى، اتاپ ايتقاندا Halyk Bank، تسەنتركرەديت بانكى، سبەربانك قازاقستان، ۆتب قازاقستان عانا جۇمىس ىستەيدى. قازاقستاننان رەسەيگە اقشا اۋدارىمىن جاساۋ ءۇشىن MIR/Unionpay تولەم جۇيەسى بار بانكتىڭ دەبەت كارتاسىن راسىمدەۋ قاجەت. سودان سوڭ بانك رەكۆيزەتتەرن قازاقستانداعى اتا-اناسىنا/تۋىستارىنا بەرۋ كەرەك. ولار رەكۆيزيت ارقىلى اقشا قاراجاتىن اۋدارا الادى.
MIR/Unionpay تولەم جۇيەسى بار دەبەت كارتاسىن سانكتسيالىق تىزىمگە ەنبەگەن بانكتەردىڭ بولىمشەلەرىنەن راسىمدەۋگە بولادى. قازاقستان ۇلتتىق بانكى مالىمەتىنشە، قازىرگى ۋاقىتتا كليەنتتەرگە رەسەيگە بانكتەردىڭ (ونىڭ ىشىندە رەسەيلىك ەنشىلەس بانكتەر ارقىلى دا) ىشكى جەلىلەرىمەن بانكتىك اۋدارىم جاساۋ، بانكتىك ەسەپشوت اشپاي-اق حالىقارالىق اقشا اۋدارۋ جۇيەسىنىڭ قىزمەتتەرى، Visa مەن Mastercard-تان باسقا وزگە تولەم جۇيەلەرىنىڭ تولەم كارتالارى ارقىلى اقشا جىبەرۋ قىزمەتى ۇسىنىلادى.
«قازاقستان مەن رەسەيدىڭ شارۋاشىلىق سۋبەكتىلەرى اراسىنداعى ۇزدىكسىز ەسەپ ايىرىسۋدى قامتاماسىز ەتۋ ماقساتىندا سانكسيالىق شەكتەۋلەرگە ەنبەگەن سۋبەكتىلەرمەن ىسكەرلىك قاتىناس ورتاۋ مۇمكىندىگىن قاراستىرعان ءجون دەپ سانايمىز»، - دەپ اتاپ وتەدى ۇلتتىق بانك.