ەۋروپا تۋريستەرى قازاقستانعا نەگە كەلمەيدى؟
الايدا ساياحاتشىلار قاتارى ازىرگە كوبەيە قويعان جوق. مۇنىڭ باستى سەبەبى قازاقستان كوپ جاعدايدا بيزنەس- ساپارمەن بايلانىستىرىلادى. ويتكەنى ەۋروپالىقتار ءبىزدىڭ ەلدى قىمبات دەپ ەسەپتەيدى.
ءبىر فرانسۋز ءتۋريسى ءۇشىن قازاقستانعا 2 اپتالىق تۋر شامامەن 2 جارىم مىڭ ەۋروعا شىعادى، ال وزبەكستان مۇنداي ساياحات 700 ەۋروعا ارزان.
يسسا سماتي، Nomade aventure كومپانياسى دەپارتامەنتىنىڭ ديرەكتورى:
- قازاقستان كلاسى جوعارى قوناق ۇيلەر جەلىسىن جولعا قويدى. ءبىراق بۇلارعا كوبىنە قالتاسى قالىڭ بيزنەسمەندەر كەلەدى. كەزىندە ومان سۇلتاندىعى وسىلاي قاتەلەسىپ، كەيىن ونىسىن تۇزەدى. تۋريستەر قاپتاپ كەلۋ ءۇشىن ارزان جاعىن دا قاراستىرعان ابزال. ءارتۇرلى قالا، اۋىل، كادەسىي، تاماقتانۋ ورىندارىن قامتىعان دۇرىس. سوندا تۇرعىندار دا تابىس تاۋىپ، ىشكى ەكونوميكا داميدى.
فرانسياداعى ورتالىق ازيا بويىنشا ەڭ ءىرى تۋروپەراتور - Nomade Aventure اگەنتىگى سوڭعى 2 جىلدا ءبىزدىڭ ەلگە بىردە ءبىر تۋريست جىبەرمەپتى. پاندەميا مەن ۋكرايناداعى قاقتىعىستان باسقا، پاريجدەن نۇر- سۇلتانعا تىكەلەي قاتىنايتىن اۋە رەيسىنىڭ الىنىپ تاستاۋى دا كەرى اسەر ەتتى. كوروناۆيرۋسقا دەيىن وسى Nomade Aventure ارقىلى قازاقستانعا كەلگەندەر قاتارى بىرنەشە ونداعان ادامعا جەتەتىن.
يسسا سماتي، Nomade aventure كومپانياسىنىڭ دەپارتامەنت ديرەكتورى:
- قازاقستانعا تىكەلەي اۋە رەيسىنىڭ بولماۋى قاتتى اسەر ەتتى. وسىنشا باي ەل ءۇشىن بۇل ۇلكەن ولقىلىق. وزبەكستانعا اپتاسىنا 2 رەت تىكەلەي رەيس قاتىنايدى. قاراپتان قاراپ، كوڭىلىڭ قۇلازيدى. قازاقستانعا ەۋروپالىقتاردى كوپتەپ تارتۋ ءۇشىن شاعىن قوناق ۇيلەر مەن كيىز ءۇي قالاشىقتارى وتە قاجەت.
ماماندار شەتەلدىك 2 ادامعا ارنالعان ءنومىردىڭ باعاسى 40 مىڭنان اسپاۋعا ءتيىس دەيدى. سونداي- اق بىلىكتى گيدتەر دايىنداۋ ماڭىزدى.
www.24.kz