بيىل مەملەكەتتىك دەڭگەيدە «الاشقا تاعزىم» شەرۋى وتكىزىلەدى
بۇل جايىندا ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«الاش رەسپۋبليكاسىنىڭ 105 جىلدىعىنا وراي بيىل مەملەكەتتىك دەڭگەيدە «الاشقا تاعزىم» شەرۋىن وتكىزۋ بويىنشا سىزدەردىڭ ۇسىنىس جازىقسىز زارداپ شەككەن بارلىق قازاقستاندىقتارعا قاتىستى تاريحي ادىلەتتىلىكتى قالپىنا كەلتىرۋگە ارنالعان ماڭىزدى ءىس- شارا بولىپ تابىلادى. وسىعان بايلانىستى اقپارات جانە قوعامدىق دامۋ مينيسترلىگىنە عىلىم جانە جوعارى ءبىلىم مينيسترلىگىمەن، مۇددەلى مەملەكەتتىك ورگاندارمەن بىرلەسىپ، اتاۋلى كۇندى مەرەكەلەۋ فورماتىن تالداۋ، پىسىقتاۋ جانە بەلگىلەنگەن تارتىپپەن دەپۋتاتتىق كورپۋستى حاباردار ەتۋ تاپسىرىلدى»، - دەدى ۇكىمەت باسشىسى جاۋابىندا.
ونىڭ اتاپ وتۋىنشە، وسى جىلدىڭ باسىنان بەرى «ساياسي قۋعىن- سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ كىشى كوميسسيالارى مەن جۇمىس توپتارىنىڭ جۇمىسىن اقپاراتتىق سۇيەمەلدەۋ جونىندەگى» مەدياجوسپار اياسىندا مەملەكەتتىك كوميسسيانىڭ قىزمەتىنە اقپاراتتىق قولداۋ ۇيىمداستىرىلدى. مەملەكەتتىك كوميسسيانىڭ ءىس- شارالارى، قىزمەتى تۋرالى ماتەريالدار بۇقارالىق اقپارات قۇرالدارىندا تۇراقتى نەگىزدە جاريالانادى.
«وسى جىلدىڭ باسىنان بەرى ب ا ق-تا بارلىعى 1474 ماتەريال، اتاپ ايتقاندا، رەسپۋبليكالىق تەلەارنالاردا - 128 سيۋجەت، وڭىرلىك تەلەارنالاردا - 272 سيۋجەت، رەسپۋبليكالىق باسپا باسىلىمدارىندا - 158 ماقالا، وڭىرلىك باسپا باسىلىمدارىندا - 507 ماقالا، ينتەرنەت- رەسۋرستاردا 409 ماتەريال جاريالاندى. بۇدان باسقا، مەملەكەتتىك كوميسسيا مۇشەلەرىنىڭ رەسپۋبليكالىق تەلەارنالارداعى ءتۇرلى تەلەباعدارلامالارعا قاتىسۋى قامتاماسىز ەتىلەدى. قازاقستانداعى ساياسي قۋعىن- سۇرگىننىڭ ەرەكشەلىكتەرى تۋرالى دەرەكتى فيلمدەر توپتاماسىن شىعارۋ مەن كورسەتۋ ۇيىمداستىرىلعان»، - دەدى ءاليحان سمايىلوۆ.
فوتو: akorda.kz