جاڭا يپوتەكامەن قالاي ءۇي الامىز؟
باعدارلامانىڭ ازىرشە تولىق شارتى بەلگىسىز، ءبىراق نەگىزگى شارتتارى بەلگىلى. سوندىقتان باعدارلاما تولىق نارىققا شىققانعا دەيىن، ءۇي العىسى كەلگەن ازاماتتىڭ الدىن الا دايىندالعانى ءجون.
شارتتارى مىناداي:
- العاشقى جارنا - .
- سوما - الماتى مەن ەلوردادا، شىمكەنتتە 35 ميلليون تەڭگەگە دەيىنگى ۇيلەر، قالعان ايماقتا 25 ميلليونعا دەيىنگىلەر.
- يپوتەكا پايىزى - -12.
- يپوتەكا مەرزىمى - 20 جىلعا دەيىن.
جاڭا يپوتەكانىڭ ءبىر ەرەكشەلىگى - ەندى سوعىلىپ جاتقان ۇيلەردىڭ ءوزىن ۇلەستىك قاتىسىم ارقىلى الۋعا مۇمكىندىك بەرىلەتىنى. مۇنى ارتىقشىلىق دەيتىن سەبەبىمىز - ەندى سوعىلىپ جاتقان ءۇيدىڭ باعاسى ادەتتە قولدانىستاعى ۇيدەن الدەقايدا ارزان بولادى.
«جاڭا يپوتەكانىڭ جاقسى جاعى مىنادا. بىرىنشىدەن، بەرىلەتىن سوما اجەپتاۋىر ۇلكەن. 35 ميلليون تەڭگەگە دەيىن. ۇستىنە اقشا قوسىپ، قالاعان ءۇيىڭىزدى الۋعا بولادى. ەكىنشىدەن، سالىنىپ جاتقان ءۇيدىڭ ءوزىن ۇلەسكە قاتىسۋ ارقىلى الۋعا، سول ارقىلى ارزان باعامەن ءۇي الۋىڭىزعا بولادى. ونداي ۇيلەردى قازاقستان تۇرعىن ءۇي كومپانياسىندا كەپىلدە تۇرعان قۇرىلىستان تاباسىز»، - دەيدى قازاقستان قۇرىلىسشىلار اسسوتسياتسياسىنىڭ پرەزيدەنتى ۆيكتور ميكريۋكوۆ.
ونىڭ ايتۋىنشا، ءبىراق ۇلەسكە قاتىسۋ ارقىلى ءۇي العاندا اباي بولاتىن نارسە كوپ.
«ۇلەسپەن جۇمىس ىستەيتىن قۇرىلىس كومپانيالارىن دۇرىس تاڭداۋ قاجەت. كوبىنىڭ ءتىپتى قۇرىلىس سالۋعا ليتسەنزيا مەن رۇقساتى جوق. كەيبىرىندە تۇرعىن ءۇي سالاتىن جەرى دە جوق بولۋى مۇمكىن»، - دەپ تۇسىندىرەدى ميكريۋكوۆ.
قازىر ءۇي باعاسى تۇراقتى. مامىر-شىلدە ايلارىندا ءۇيدىڭ باعاسى ءبىرشاما ءتۇستى. ءۇيدىڭ باعاسىنىڭ كوتەرىلۋىنە قازىر تەك ۋاقىتشا سۇرانىس پەن قۇرىلىس ماتەريالدارىنىڭ قىمباتتاۋى عانا اسەر ەتۋى مۇمكىن.
يپوتەكا شامامەن 400-500 مىڭ ازامات ءۇي الادى دەپ جوسپارلانعان.
وتباسىنىڭ جالپى تابىسى 450-500 مىڭ تەڭگەنى قۇراسا، 27 ميلليون تەڭگەلىك ۇيگە ماقۇلداۋ الۋعا بولادى. اي سايىنعى تولەم شامامەن 230 مىڭ تەڭگە بولماق.
massaget.kz