مەملەكەتتىك جوعارى وقۋ ورىندارى ساتىلمايدى

نۇر- سۇلتان. قازاقپارات - مەملەكەتتىك جوعارى وقۋ ورىندارى تەك مەملەكەت مەنشىگىندە بولادى. بۇل جايىندا ءبىلىم جانە عىلىم ءمينيسترى كەزىندەگى قىزمەتى تۋرالى ەسەپ بەرگەن وقۋ- اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«20 جوعارى وقۋ ورنى «اكادەميالىق شەبەرلىك ورتالىقتارى» جوباسىنا ەندى. ولارعا 2025 -جىلعا دەيىن ماتەريالدىق- تەحنيكالىق بازانى نىعايتۋعا 80 ميلليارد تەڭگە كولەمىندە قارجى ءبولىندى»، - دەپ جازدى مينيستر Facebook پاراقشاسىندا.

ونىڭ ايتۋىنشا، ج و و- لاردا مەملەكەت پەن وقىتۋشىلار، ستۋدەنتتەردىڭ مۇددەسىن قورعاۋ ءۇشىن زاڭنامالىق دەڭگەيدە ولاردى يەلىكتەن شىعارۋعا نەمەسە ءتىپتى ولاردىڭ ۇلەسىنە قاتىسۋعا تىيىم سالۋ تۋرالى ارنايى نورما ەنگىزىلدى.

«ياعني ەندى مەملەكەتتىك جوعارى وقۋ ورىندارى ساتىلمايدى. ولار تەك مەملەكەت مەنشىگىندە بولادى. 2020 -جىلدان باستاپ العاش رەت عىلىمي ۇيىمنىڭ ماتەريالدىق- تەحنيكالىق جابدىقتالۋىنا ارنايى باعدارلاما اشىلىپ، قاراجات ءبولىندى. ناتيجەسىندە عىلىمي ۇيىمدار سوڭعى جىلدارى الەمدىك وندىرۋشىلەردىڭ زاماناۋي جابدىقتارىن ساتىپ الدى»، - دەدى اسحات ايماعامبەتوۆ.

اۆتور: مارلان جيەمباي