وسى جىلدىڭ 21-شىلدەسىندەگى جاعدايعا سايكەس، ەلىمىزدىڭ وڭىرلەرى اكىمدەرىنىڭ ورتاشا جاسى - 52,2. ەگدە تارتقان اكىمدەردىڭ كوشباسىندا شىعىس قازاقستان وبلىسىن باسقاراتىن دانيال احمەتوۆ تۇر. اكىم قازىر 68,1 جاستا. ودان كەيىنگى ورىندا جاڭادان قۇرىلعان جەتىسۋ وبلىسىنىڭ اكىمى بەيبىت يسابايەۆ (59,6 جاستا) پەن اقتوبە وبلىسىنىڭ اكىمى وڭداسىن ورازالين (58,7) تۇر. ەلىمىزدىڭ ەڭ جاس اكىمى مۇرات ايتەنوۆ (40,7 جاستا) رەسپۋبليكالىق ماڭىزى بار شىمكەنت قالاسىن باسقارادى. سونىمەن قاتار جاس اكىمدەردىڭ قاتارىندا اتىراۋ وبلىسىنىڭ اكىمى سەرىك شاپكەنوۆ (43 جاستا) پەن ەلوردا اكىمى التاي كولگىنوۆ (44,5) بار. ەڭ جاس اكىم مۇرات ايتەنوۆ لاۋازىمدى قىزمەتكە 38 جاسىندا تاعايىندالعان جانە سوڭعى 2,5 جىل بويى وڭتۇستىكتەگى الىپ شاھارعا باسشىلىق جاساپ كەلەدى.
ال شىعىس قازاقستان وبلىسىنىڭ اكىمى دانيال احمەتوۆ ءوڭىر باسشىسى لازۋامىندا 7,7 جىل (ەڭ ۇزاق مەرزىم) بويى قىزمەت ەتىپ كەلەدى. ول وبلىس باسشىسى بولىپ 60 جاسىندا تاعايىندالعان. جاڭادان قۇرىلعان ۇلىتاۋ وبلىسىنىڭ اكىمى بەرىك ءابدىعالي ۇلىنىڭ ءوڭىر باسشىسى بولعانىنا نەبارى 25 كۇن تولدى. ول بۇل قىزمەتكە وسى جىلدىڭ 11-شىلدەسىندە كىرىسكەن ەدى.