ەكى ورىنداۋشى دا بايقاۋدىڭ لاۋرەاتى اتاندى، دەپ حابارلايدى قازاقپارات. مادەنيەت جانە سپورت مينيسترلىگىنىڭ حابارلاۋىنشا، ەرىك تولەنوۆ ۇلتتىق ءداستۇردى ساقتاۋداعى جوعارى شەبەرلىگى ءۇشىن مەملەكەتارالىق «مير» تەلەراديوكومپانياسىنىڭ «پەسنيا - پۋت ك سودرۋجەستۆۋ» ارنايى ماراپاتىنا يە بولدى. سونداي- اق ول حالىقارالىق بايقاۋدىڭ لاۋرەاتى اتاندى. ال 12 جاستاعى الينۋر حامزين بالالار اراسىندا وسى سايىستا ەكىنشى ورىن يەلەندى.
ايتا كەتەيىك، ەرىك تولەنوۆ 1993 -جىلى تۇركىستان وبلىسىنىڭ اشىساي اۋىلىندا دۇنيەگە كەلگەن. كەنتاۋ قالاسىنداعى №23 ت. رىسقۇلوۆ اتىنداعى مەكتەپتى، ت. جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن، 2014-2016 -جىلدارى ءتۇرلى مۋزىكالىق توپتاردا ونەر كورسەتكەن. 2021 -جىلى Mozart حالىقارالىق شىعارماشىلىق فەستيۆالىنىڭ جانە Welle-music wave حالىقارالىق بايقاۋىنىڭ گران- پري يەگەرى اتانعان، The Voice of Kazakhstan تانىمال بايقاۋىندا ەكىنشى ورىن الدى. ونىڭ قويىلىمى الەمنىڭ ەڭ ۇزدىك The Voice شوۋلارىنىڭ قاتارىنا ەندى.
الينۋر حامزين 2010 -جىلى ورال قالاسىندا دۇنيەگە كەلگەن. №27 مەكتەپ- ليسەيىنىڭ 6-سىنىبىندا جانە №1 مۋزىكا مەكتەبىندە وقيدى. سوڭعى 5 جىلدا رەسپۋبليكالىق كونكۋرستارعا، تەلەجوبالارعا جانە حالىقارالىق كونكۋرستارعا، ونىڭ ىشىندە پاريجدەگى Junior Eurovision بايقاۋىنا، تاشكەنتتەگى «روزا ۆوستوكا» حالىقارالىق كونكۋرسىنا قاتىسقان. سونداي- اق، ول ءارتۇرلى تەلەجوبالار مەن كونكۋرستاردىڭ لاۋرەاتى.