پرەزيدەنت بۇل شەشىمىن وتانىنا وپاسىزدىق جاساۋ تۋرالى قىلمىستىق ىستەردىڭ كوبەيۋىمەن ءتۇسىندىردى. ول پروكۋراتۋرا، سوتقا دەيىنگى تەرگەۋ جانە وزگە دە قۇقىق قورعاۋ ورگاندارى وكىلدەرىنىڭ كوللابوراتسيالىق قىزمەتىنە قاتىستى ىستەر كوپ ەكەنىن دە اتاپ ءوتتى.
ساۋىردە زەلەنسكي ۋكراينانىڭ قاۋىپسىزدىك قىزمەتى ماماندارىنىڭ اراسىندا ساتقىنداردىڭ بارى تۋرالى ايتىپ، ۆەدومستۆونىڭ بىرنەشە باسشىسىن جۇمىسىنان بوساتقان ەدى.
«قازىر مەملەكەتكە وپاسىزدىق جاساۋ، سونداي-اق پروكۋراتۋرا، سوتقا دەيىنگى تەرگەۋ جانە وزگە دە قۇقىق قورعاۋ ورگاندارى وكىلدەرىنىڭ كوللابوراتسيالىق قىزمەتى تۋرالى 651 قىلمىستىق ءىستىڭ قوزعالعانى بەلگىلى. ۋكراينا قاۋىپسىزدىك قىزمەتى مەن باس پروكۋراتۋرانىڭ 60-تان استام وكىلى رەسەي اسكەرى باسىپ العان اۋماقتاردا جۇمىسىن جالعاستىرىپ جاتىر. سالدارىنان ءتيىستى ۆەدومستۆو باسشىلارىنا قاتىستى سۇراقتار تۋىندايدى. ونداي ساۋالدىڭ ەشبىرى جاۋاپسىز قالماۋى ءتيىس»، دەيدى ۋكراينا پرەزيدەنتى ۆلاديمير زەلەنسكي.