ك ۆ ي- مەن اۋىرىپ، جانساقتاۋ بولىمىندە جاتقانداردىڭ دەنى ەلوردادا تۇرادى

نۇر- سۇلتان. قازاقپارات - كوروناۆيرۋس ىندەتىنەن رەانيماتسيالىق تارتىپتە ەمدەلىپ جاتقانداردىڭ كوبىندە باسقا دا ىلەسپە اۋرۋلارى ۋشىعىپ وتىر.

بۇل تۋرالى دەنساۋلىق ساقتاۋ ءمينيسترى اجار عينيات ءمالىم ەتتى، دەپ حابارلايدى قازاقپارات ءتىلشىسى.

«رەانيماتسياداعى ناۋقاستاردىڭ نەگىزگى كونتينگەنتى - بۇل ىلەسپە اۋرۋلارى بار 50 جاستان اسقان ادامدار. پاتسيەنتتەردىڭ 24,2 پايىزىندا ارتەريالىق گيپەرتەنزيا، 9,1 پايىزىندا وكپەنىڭ سوزىلمالى وبسترۋكتيۆتى اۋرۋى، 6,1 پايىزىندا جۇرەكتىڭ يشەميالىق اۋرۋى، سونداي- اق 6,1 پايىزىندا قانت ديابەتى جانە تاعى باسقا اۋرۋلارى بار»، - دەدى ا. عينيات ورتالىق كوممۋنيكاتسيالار قىزمەتىندە.

ءمينيستردىڭ مالىمەتىنە قاراعاندا، رەانيماتسيا بولىمشەلەرىندە 18 ادام جاتىر. ولاردىڭ ەڭ كوبى نۇر- سۇلتان قالاسىندا تۇرادى - 11 پاتسيەنت. جامبىل وبلىسىندا 1 بالا جاساندى وكپە ۆەنتيلياتسياسى اپپاراتىنا قوسىلدى.

«كوروناۆيرۋسپەن اۋىرعان ناۋقاستارعا ۋاقىتىلى مەديتسينالىق كومەك كورسەتۋ ءۇشىن العاشقى مەديتسينالىق- سانيتاريالىق كومەك دەڭگەيىندە 2387 ءموبيلدى بريگادا ۇيىمداستىرىلعان. ونىڭ ىشىندە اۋىلداردا 1010 ءموبيلدى بريگادا جۇمىسىن جالعاستىرىپ وتىر. 2022 -جىلدىڭ ءبىرىنشى جارتىجىلدىعىندا ءموبيلدى بريگادالار 815423 قىزمەت كورسەتتى»، - دەدى مينيستر.

بۇدان بۇرىن حابارلانعانداي، الەمدە سىرقاتتانۋ دەڭگەيىنىڭ وسۋىمەن قاتار، قازاقستاندا دا 20-ماۋسىمنان باستاپ كوروناۆيرۋس ينفەكتسياسىنا شالدىعۋ دەڭگەيى ءوستى.

سونىمەن قاتار، كوروناۆيرۋس كوپ تارالىپ جاتقان وڭىرلەر بەلگىلى بولدى.

اۆتور رۋسلان عابباسوۆ