پرەزيدەنت ەكى ۇلتتىق جوبا ازىرلەنىپ جاتقانىن ايتتى
«مەنىڭ تاپسىرماممەن پرەزيدەنت اكىمشىلىگى «قولايلى مەكتەپ» جانە «اۋىلدىق دەنساۋلىق ساقتاۋدى جاڭعىرتۋ» ەكى ىلكى ۇلتتىق جوبالارىن ازىرلەۋدى ۇيلەستىرەدى. ولاردىڭ ناقتى مىندەتى جانە جۇزەگە اسىرىلۋ مەرزىمى بار، ناقتى ناتيجەلەرگە باعىتتالعان. نە جايىندا ەكەندىگىن ەسكە سالا كەتەيىن. «قولايلى مەكتەپ» ۇلتتىق جوباسى زاماناۋي قۇرال- جابدىقتارمەن قامتىلعان، جاڭا قۇرىلىس ستاندارتتارى بويىنشا شامامەن 840 مىڭ وقۋشى ورنى قۇرىلىسىن كوزدەيدى»، - دەدى قاسىم- جومارت توقايەۆ.
مەملەكەت باسشىسىنىڭ ايتۋىنشا، «اۋىلدىق دەنساۋلىقتى جاڭعىرتۋ» ۇلتتىق جوباسى بارلىق اۋىلدى قاجەتتى مەديتسينالىق ينفراقۇرىلىممەن قامتاماسىز ەتۋگە مۇمكىندىك بەرەدى. ول 800 مىڭنان استام ادام تۇراتىن 650 ەلدى مەكەندى قامتيدى. 32 اۋداندىق اۋرۋحانانى كوپبەيىندى مەديتسينالىق مەكەمە دەڭگەيىنە دەيىن جاڭارتۋ جوسپارلانعان.
«ناتيجەسىندە شۇعىل جانە ورتاشا تەحنولوگيالىق مەديتسينالىق كومەك الۋ ءۇشىن اراقاشىقتىق 500-دەن 200 شاقىرىمعا دەيىن قىسقارادى. ۇكىمەت بيۋدجەتتىك پروتسەسس اياسىندا وسى جىلدىڭ قىركۇيەگىنە دەيىن بارلىق ەسەبىن جۇرگىزۋى جانە اتالعان ۇلتتىق جوبالاردى جۇزەگە اسىرۋ ءۇشىن قاجەتتى شارالار قابىلداۋى قاجەت»، - دەدى پرەزيدەنت.