ول سۋرەتشىنىڭ شوتلاندياداعى ۇلتتىق گالەرەياسىندا ساقتاۋلى تۇرعان «اق قالپاقتاعى شارۋا ايەل پورترەتى» اتتى ايگىلى كارتيناسىنىڭ ارتىنا قىستىرىلىپ قالعان ەكەن.
بۇل تۋرالى قازاقپارات BBC اقپارات اگەنتتىگىنە سىلتەمە جاساپ حابارلايدى.
شوتلانديا ۇلتتىق گالەرەياسى (شوتلاندياداعى ءۇش ۇلتتىق گالەرەيانى جانە ەكى سەرىكتەس گالەرەيانى باقىلايتىن ۆەدومستۆولىق ەمەس ۇيىم) وكىلدەرىنىڭ ايتۋىنشا، كەرەمەت ولجا كەزدەيسوق تابىلعان. ەدينبۋرگتەگى كورولدىك شوتلانديا اكادەمياسىندا يمپرەسسيونيستەرگە ارنالعان كورمەنىڭ اشىلۋ قارساڭىندا كۋراتورلار ۆان گوگتىڭ 1885 -جىلعى جۇمىسىن رەنتگەنگە ءتۇسىرۋدى ۇيعارادى. سول كەزدە كارتينانىڭ ارتقى جاعىندا بىرنەشە جەلىممەن جاعىلعان جانە كارتونمەن جابىلعان سۋرەت تابىلادى، بۇل سۋرەتشىنىڭ اۆتوپورترەتى بولۋى ابدەن مۇمكىن. سۋرەت- كارتينانى 20-عاسىردىڭ باسىندا وتكەن كورمەگە دايىنداۋ كەزىندە جابىستىرىلۋى مۇمكىن.
ۆان گوگ ءجيى اقشا ۇنەمدەۋ ءۇشىن كەنەپتەرىن ەكى جاعىنان پايدالانۋعا ءماجبۇر بولعان. تابىلعان پورترەتتە جيەگى بار قالپاق كيگەن جانە مويىنعا ورامال بايلاپ وتىرعان ساقالدى ادام بەينەلەنگەن. كارتينادا ونىڭ سول جاق قۇلاعى انىق كورىنىپ تۇر: ۆان گوگ «اق قالپاقتاعى شارۋا ايەل پورترەتىن» جازعاننان كەيىن ءۇش جىلدان سوڭ اشۋعا بەرىلىپ، سول قۇلاعىن پاليترا پىشاعىمەن كەسىپ تاستاعان. بۇل ونىڭ اۆتوپورترەت سالۋداعى العاشقى ارەكەتتەرىنىڭ ءبىرى بولسا كەرەك. كەيىنىرەك جۇمىستارى جاقسارا باستاپ، بۇگىندە ۆان گوگتىڭ كەيىنگى اۆتوپورترەتتەرى شەدەۆر بولىپ سانالادى.
فوتو: bbc.com