استىقتىڭ ىشكى نارىققا قاجەت كولەمى بار – مينيسترلىك

نۇر- سۇلتان. قازاقپارات - ىشكى نارىقتى تۇراقتاندىرۋ ءۇشىن استىقتىڭ جەتكىلىكتى كولەمى بار. بۇل تۋرالى اۋىل شارۋاشىلىعى مينيسترلىگىنەن ءمالىم بولدى، دەپ حابارلايدى قازاقپارات ءتىلشىسى.

«بيىل نەگىزگى بيداي وندىرۋشىلەر بولىپ سانالاتىن رەسەي مەن ۋكرايناداعى گەوساياسي جاعدايعا بايلانىستى الەمدىك نارىقتا بيدايعا سۇرانىس ارتتى. بۇل فاكتور بيداي باعاسىنا دا اسەر ەتەدى. وسى ورايدا 1-ناۋرىزدان باستاپ ىشكى نارىقتاعى بيداي باعاسى تونناسىنا 116 مىڭ تەڭگەدەن 163 مىڭ تەڭگەگە دەيىن ءوستى. سارىاعاش ستانتسياسىندا ەكسپورتتىق باعا تونناسىنا 270 ا ق ش دوللارىنان 410 ا ق ش دوللارىنا دەيىن كوتەرىلدى. بۇل رەتتە، «ازىق- تۇلىك كورپوراتسياسى» ۇ ك» ا ق رەزەرۆتەرىندە قاجەت بولعان جاعدايدا ىشكى نارىقتى تۇراقتاندىرۋ ءۇشىن جىبەرىلۋى ءتيىس استىقتىڭ جەتكىلىكتى كولەمى بار»، - دەپ اتالىپ وتكەن اتالعان ۆەدومستۆونىڭ قازاقپارات اگەنتتىگىنە بەرگەن جاۋابىندا.

قازىرگى ۋاقىتتا «ازىق- تۇلىك كورپوراتسياسى» ۇ ك» ا ق ۇن تارتۋ كاسىپورىندارىنا 275 مىڭ توننا كولەمىندە بيداي جونەلتۋ جۇمىستارىن جۇزەگە اسىرىپ جاتىر. «مەملەكەت تاراپىنان سۋبسيديالاۋ ەسەبىنەن بيداي 90 مىڭ تەڭگە سوماسىنداعى باعامەن ساتىلادى، ال نارىقتا ورتاشا باعا 160 مىڭ تەڭگەنى قۇرايدى. بۇل تۇرعىدا وڭىرلەر «الەۋمەتتىك» ناندى قازىرگى باعادا قامتاماسىز ەتە الادى»، - دەلىنگەن مينيسترلىك مالىمەتىندە.

سونىمەن قاتار، قۇس شارۋاشىلىقتارىن جەممەن قامتاماسىز ەتۋ ماقساتىندا مينيسترلىك «ازىق- تۇلىك كەلىسىمشارت كورپوراتسياسى» ۇ ك» اق- مەن، «قازاقستاننىڭ قۇس وسىرۋشىلەر وداعى» ز ت ب جانە «قازاقستاننىڭ جۇمىرتقا وندىرۋشىلەرى قاۋىمداستىعى» ز ت ب- مەن بىرلەسە وتىرىپ ءتيىستى جۇمىستاردى اتقاردى. وسى ورايدا «ازىق- تۇلىك كەلىسىمشارت كورپوراتسياسى» ۇ ك» ا ق رەسۋرستارىنان قۇس شارۋاشىلىقتارىنا ءبىر تونناسىنا 117 مىڭ تەڭگە باعامەن جىل سوڭىنا دەيىن 150000 توننا كولەمىندە استىق جەتكىزۋ ماسەلەلەرى بويىنشا ىنتىماقتاستىق تۋرالى مەموراندۋم بەكىتىلدى.

بۇدان بۇرىن حابارلانعانداي، قازاقستان استىق ەكسپورتى بويىنشا ەۋروپا وداعى ەلدەرىنىڭ جاڭا نارىقتارىنا شىعۋ جولدارىن پىسىقتاپ جاتىر. ايتا كەتەيىك، قازاقستاننان بيداي مەن بيداي ۇنىن سىرتقا اكەتۋگە شەكتەۋلەر ەنگىزىلدى. اۋىل شارۋاشىلىعى مينيسترلىگىنىڭ مالىمەتىنشە، بيىل استىق شىعىمى بىلتىرعىدان 15 پايىز جوعارى بولۋى مۇمكىن. ماۋسىم ايىندا مينيسترلىك قازاقستانداعى بيداي قورى جاڭا ەگىنگە دەيىن جەتكىلىكتى ەكەنىن جاريالادى.