بۇل تۋرالى «روسپوترەبنادزوردىڭ» باسپا ءسوز قىزمەتى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
ۆەدومستۆونىڭ باسپا ءسوز قىزمەتى ءمالىم ەتكەندەي، پاتسيەنتتە اۋرۋ جەڭىل تۇردە ءوتىپ جاتىر، ومىرىنە ءتونىپ تۇرعان قاۋىپ جوق.
«ناۋقاس وقشاۋلانعان جانە ينفەكتسيالىق ءپروفيلدى ەمدەۋ مەكەمەسىندە جاتىر»، - دەلىنگەن حابارلامادا. سونداي- اق، ناۋقاسپەن رەسەيدە بايلانىستا بولعاندار شەڭبەرى شەكتەۋلى، ول پاتەردە جالعىز تۇرعان.
«بارلىق بايلانىستا بولعان ادامدار دەر كەزىندە انىقتالىپ، دارىگەرلەردىڭ باقىلاۋىنا الىندى. دياگنوز راستالسا، ولارعا بارلىق قاجەتتى مەديتسينالىق كومەك كورسەتىلەدى. ۋاقتىلى ەپيدەميولوگيالىق تەكسەرۋ جۇرگىزىلۋىنە بايلانىستى ينفەكتسيانىڭ ودان ءارى تارالۋ مۇمكىندىگى توقتاتىلدى. جاعداي «روسپوترەبنادزوردىڭ» قاتاڭ باقىلاۋىندا»، - دەلىنگەن حابارلامادا.
مايمىل شەشەگىن جۇقتىرعان ناۋقاس «ۆەكتور» ورتالىعىنىڭ تەست جۇيەلەرىمەن انىقتالعان. ر ف- دا ۆيرۋستى انىقتاۋعا ارنالعان رەاگەنتتەر جيىنتىعى جەتكىلىكتى ەكەنى ءمالىم ەتىلدى. سونىمەن قاتار، ەلدىڭ دەنساۋلىق ساقتاۋ مينيسترلىگى وڭىرلەرگە مايمىل شەشەگى بويىنشا ادىستەمەلىك ۇسىنىستار جىبەرگەن.